პრორუსული და ძალადობრივი „კონსერვატიული მოძრაობა“ რუსეთის წარმომადგენლებთან  მოლაპარაკებებს მართავს. მოლაპარაკებებში უშუალოდ არის ჩართულია იურისტი დიმიტრი ლორთქიფანიძე.

„კონსერვატიული მოძარაობის“ მიერ გავრცელებული განცხადების თანახმად, ოკუპანტ ქვეყანასთან  მოლაპარაკებები საქართველოს კონსტიტუციიდან ნატო-ზე არსებული ჩანაწერების ამოღებას, უვიზო მიმოსვლისა და გამშვები პუნქტების აღდგენას ეხება. 

"დიდი ამბებია და სასიხარულო, გილოცავთ!  სულ ახლახანს დაიწყო რუსეთთან მოლაპარაკებები კონსერვატიულმა მოძრაობამ და დიმიტრი ლორთქიფანიძემ, შედეგები საოცარია. არავინ ელოდა მოკლე დროში ასეთ ნორმალურ ურთიერთობებს და ურთიერთგაგებას.
  
 ერგნეთის ბაზრობის აღდგენისკენ იდგმება დიდი ნაბიჯები, რაც ქართულ-ოსური ურთიერთობების აღდგენის უმნიშვნელოვანესი კომპონენტი იყო და იქნა გაუქმებული იმ ძალების მიერ, რომლებსაც არ სურდათ ჩვენი შერიგება (დასავლეთის), ვინაიდან ეს გამოიწვევდა რუსულ-ქართული ურთიერთობების აღდგენის დაწყებასაც, რაც გამოაცლიდა დასავლეთს საქართველოზე გავლენების ბერკეტს.  

 საკონსტიტუციო ჩანაწერი ნატოსთან დაკავშირებით ამოღებულ უნდა იქნას საქართველოს კონსტიტუციიდან.  ხაზარაძემ მიჰყიდა რუსებს ბორჯომის 56%-იანი წილი, გაასხვისა ეროვნული მნიშვნელობის სტრატეგიული ობიექტი რუსებზე. რუსებმა კი საოცარი ნაბიჯი გადადგეს და 56% ბორჯომის აქციებისა საქართველოს უკვე დაუბრუნეს სრულიად უსასყიდლოდ. 

 ყველა გამშვები პუნქტები რუსეთთან აღდგება. 
 რუსეთთან ურთიერთობების აღდგენის შემდეგ საქართველო იქნება რეგიონის ლიდერი სახელმწიფო (ახლა აზერბაიჯანია, რაც ისტორიულად არასოდეს ყოფილა ასე). 

 2022 წლის ბოლომდე ავიამიმოსვლა და უვიზო მიმოსვლა რუსეთთან აღდგება - განგვიცხადეს გოსდუმის დეპუტატებმა... 

რუსეთში გადიოდა ჩვენი პროდუქცია დღეს კი ეს პროდუქცია ლპება, გზა რუსეთის ბაზრისკენ საქართველოს სრულად გაეხსნება! 
 3+3 ფორმატში რუსებმა მიიწვიეს საქართველო და არა აფხაზები და ოსები - ეს არის პირდაპირი განაცხადი ჩვენს გასაგონად რუსების მხრიდან, რომ ისინი არიან მზად საქართველოს ტერიტორიულ მთლიანობაზე სერიოზული საუბრისთვის,"- ვკითხულობთ განცხადებაში.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს