ოკუპირებული აფხაზეთი მზად არის, დასავლეთის სანქციების ფონზე, რუსეთისთვის საქონლის პარალელური იმპორტის პლატფორმა გახდეს.

ე.წ რესპუბლიკიკს პრეზიდენტმა, ასლან ბჟანიამ აღნიშნა, რომ ამისთვის აფხაზეთს აქვს ორი პორტი, რომლითაც სხვა სახელმწიფოებთან წვდომა შესაძლებელი ხდება.

„მას შემდეგ, რაც სახელმწიფოთა მნიშვნელოვანმა რაოდენობამ რუსეთის წინააღმდეგ სანქციები გამოაცხადა, ჩვენ, რა თქმა უნდა, ვფიქრობთ, რომ ჩვენი ტერიტორიის გამოყენება შესაძლებელია პარალელური იმპორტის განსახორციელებლად. ეს განხილვის საგანია. ჩვენ გვაქვს ორი პორტი, გვაქვს წვდომა სხვა სახელმწიფოებთან“, - განაცხადა ბჟანიამ.

მისი თქმით, დე ფაქტო აფხაზეთს სანქციების არ ეშინია.

„თქვენ იცით, რომ აფხაზეთი არაერთმა სახელმწიფომ აღიარა. ჩვენ არ გვეშინია არანაირი სანქციების, ისინი არასდროს მოუხსნიათ ჩვენს მიმართ“, - აღნიშნა ბჟანიამ.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა