ჰოლივუდის  სკანდალური მსახიობი ემბერ ჰერდი, რომელიც ცოტა ხნის წინ ჯონი დეპის მიმართ ჩადენილი ცილისწამების გამო საზოგადოების კრიტიკის ობიექტი გახდა,  შესაძლოა კვლავ დაბრუნდეს სასამართლოში ბრალდებულის სახით. მედიის ცნობით,  მას  ცრუ ჩვენების მიცემის გამო ბრალს წაუყენებენ.

ჰოლივუდის მსახიობი უკვე გაასამართლეს იმის გამო, რომ მან თავისი ორი ძაღლი უკანონოდ შეიყვანა ავსტრალიაში. 2015 წელს საქმე დაიხურა, მაგრამ მალე მან დანაშაული აღიარა
. 
Daily Mail- ის ცნობით , ავსტრალიის სასამართლომ ვარსკვლავის წინააღმდეგ საქმე კვლავ გახსნა. ახლა დეპის ყოფილ პარტნიორს ამ საქმეში ცრუ ჩვენების მიცემის ბრალდებით გაასამართლებენ, რაც 7-დან 14 წლამდე ვადით თავისუფლების აღკვეთას ითვალისწინებს. 

შეგახსენებთ, რომ დეპმა ჰერდს ცილისწამებისთვის უჩივლა  2018 წლის დეკემბერში გამოქვეყნებული სტატიის გამო, რომელიც მან დაწერა The Washington Post- ში , სადაც საკუთარ თავს აღწერდა, როგორც „საზოგადოებრივ ფიგურას, რომელიც  ოჯახური ძალადობის მსხვერპლია“. 

ექვსკვირიანი სატელევიზიო სასამართლო პროცესის დიდი ნაწილი ფოკუსირებული იყო ჰერდის პრეტენზიებზე, რომ დეპმა მას ფიზიკური და სექსუალური შეურაცხყოფა მიაყენა. ჰერდმა აღწერა ათზე მეტი სავარაუდო თავდასხმა.

დეპს სურდა დაემტკიცებინა, რომ მას არასოდეს მიუყენებია შეურაცხყოფა ჰერდისათვის. საბოლოოდ ემბერ ჰერდს ყოფილი ქმრისთვის 10 მილიონ დოლარზე მეტის გადახდა დაეკისრა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი