2022-07-06 17:12:15, 1099 ნახვა
პოლიტიკა
კალაძე „ალტ-ინფოზე“ - კანონის ფარგლებში ყველა პარტიას აქვს არსებობის უფლება
არ აქვს მნიშვნელობა, ვინ, რომელ პარტიას წარმოადგენს. თუ მათი ქმედებები ეწინააღმდეგება კონსტიტუციას, კანონს, ასეთი შეიძლება იყოს "ნაციონალური მოძრაობაც". - განაცხადა თბილისის მერმა კახი კალაძემ.
მისივე თქმით, კანონის ფარგლებში ყველა პარტიას აქვს არსებობის უფლება.
"არ აქვს მნიშვნელობა, ვინ, რომელ პარტიას წარმოადგენს. თუ მათი ქმედებები ეწინააღმდეგება კონსტიტუციას, კანონს, ასეთი შეიძლება იყოს "ნაციონალური მოძრაობაც", რა თქმა უნდა, კანონის ფარგლებში უნდა განიხილებოდეს ყველაფერი. ჩვენ ხომ დემოკრატიულ სახელმწიფოს ვაშენებთ, კანონის ფარგლებში ყველა პარტიას აქვს არსებობის უფლება, მთავარია კონსტიტუციისა და კანონის დაცვა. ქვეყანაში შუღლს ნაციონალური მოძრაობა აღვივებს". - განაცხადა კალაძემ.
შეგახსენებთ, რომ ომბუდსმენმა „ალტ-ინფოს“ პოლიტიკური პარტიის აკრძალვის მოთხოვნით, კონსტიტუციური სარჩელი მოამზადა.
ავტორი: ექსპრესნიუსი,
epn.ge (@expressnews.ge)
