2022-06-29 13:47:33, 1618 ნახვა
საზოგადოება
გორში 5 წლის ბავშვს კორპუსის აივნიდან ჩამოვარდნილი ფიცარი დაეცა
გორში, სტალინის გამზირზე მდებარე ერთ-ერთი კორპუსის ეზოში 5 წლის ბავშვი დაშავდა იმის გამო, რომ აივნიდან ფიცარი ჩამოვარდა,- აღნიშნულის შესახებ ინფორმაციას შიდა ქართლის საინფორმაციო ცენტრი ავრცელებს.
მათი ცნობით, დაშავებული ბავშვი კლინიკა გორმედში გადაიყვანეს,თუმცა გამოკვლევების მიზნით, თბილისის კლინიკაში გაგზავნეს.
საინფორმაციო ცენტრის ინფორმაციით, ფიცარი ერთ-ერთი ბინის აივნიდან ჩამოვარდა და ეზოში მოთამაშე ბავშვს დაეცა.
სტალინის გამზირზე, სადაც შემთხვევა მოხდა, ორი წელია სარემონტო სამუშაოები მიმდინარეობს, თუმცა, გამოცემის ცნობით, მერიაში აცხადებენ, რომ მომხდარს სამუშაოებთან შეხება არ აქვს, რადგან კორპუსს, საიდანაც ფიცარი ჩამოვარდა, რეაბილიტაცია არ უტარდება.
ავტორი: ექსპრესნიუსი,
epn.ge (@expressnews.ge)
