2023 წლის მაისიდან ევროკავშირი ETIAS-ის სისტემას დანერგვას გეგმავს,- გაერთიანების არაწევრი ქვეყნების მოქალაქეებს, რომლებიც სამუშაო ვიზას არ საჭიროებენ, მოგზაურობამდე ონლაინ პლატფორმაზე რეგისტრაცია და თანხის გადახდა მოუწევთ. 

 ETIAS ვიზასთან შედარებით, ბევრად უფრო მარტივი პროცედურაა - საჭიროა  ონლაინ კითხვარის შევსება, რომელიც ბიომეტრიულ ინფორმაციას არ ითხოვს. 18-დან 70 წლამდე პირებისთვის გამგზავრების უფლების მოპოვება 7 ევრო ეღირება, უცნობია რა თანხის გადახდა მოუწევთ სხვა ასაკობრივი კატეგორიის მოგზაურებს. 

სისტემა ამოქმედდება ევროკავშირის იმ არაწევრი ქვეყნებისთვის, რომლებსაც ადრე ვიზა არ სჭირდებოდათ. ეს შეზღუდვა დაახლოებით 60 ქვეყანას, მათ შორის საქართველოს, აშშ-სა და დიდ ბრიტანეთს შეეხო. 

განმცხადებლის მოთხოვნა მალევე -"რამდენიმე წუთში", მსურველთა დაახლოებით 95%-ს დაუკმაყოფილდება. თუმცა, გამონაკლისის შემთხვევაში, დამტკიცების მაქსიმალური დრო ერთი თვე შეიძლება იყოს. ნებისმიერს, ვისი მოთხოვნაც არ დაკმაყოფილდება, გასაჩივრების უფლება ექნება. 

ETIAS-ში შევსებული ინფორმაცია ავტომატურად დამუშავდება, ის შედარდება ინტერპოლის მონაცემთა ბაზებს, რომლებიც ტერორისტებისა და კრიმინალების შესახებ მოიცავს ინფორმაციას. თუ პირის მიერ შეყვანილი ინფორმაციიდან პროგრამამ საეჭვო ვერაფერი იპოვა, მას ევროკავშირში შესვლის უფლება მიეცემა. 

თუ ETIAS-ის პროგრამა რაიმე საეჭვოს აღმოაჩენს, ამ შემთხვევაში, მას 96 საათის განმავლობაში, კომპეტენტური ორგანოები ცალკე დაამუშავებენ. 

ევროპული საბჭოს განცხადების მიხედვით, მოგზაურობის ნებართვა არ ნიშნავს ევროკავშირის ტერიტორიაზე შეშვების ავტომატურ უფლებას და საბოლოო გადაწყვეტილებას მესაზღვრე იღებს.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით