თბილისში, ავტოსაგზაო შემთხვევის შედეგად დაშავებულ ბულგარეთის ნაკრების ფეხბურთელს, ტოდორ ნედელევს ოპერაცია ჩაუტარდა. ინფორმაციას ბულგარული მედია ვიქტორ იგნატოვზე - ბულგარეთის საფეხბურთო კავშირის პრესსამსახურის წარმომადგენელზე დაყრდნობით ავრცელებს.

იგნატოვის თქმით, ფეხბურთელი მაშინ დაშავდა, როდესაც წინ მიმავალ ავტობუსს მეორე ავტობუსი უკნიდან შეეჯახა, ნედელევს მინის ნამსხვრევი თავში მოხვდა და თავის ქალა გაუტყდა.

მისივე ინფორმაციით, ტოდორ ნედელევის მდგომარეობა სტაბილურია. ის ინგოროყვას კლინიკაში გადაყვანეს, სადაც სამედიცინო მეთვალყურეობის ქვეშ სულ მცირე 1 კვირის განმავლობაში დარჩება, ყველაზე ოპტიმისტური პროგნოზების მიხედვით კი  3 თვეში გამოჯანმრთელდება.

შეგახსენებთ, ავტოსაგზაო შემთხვევა თბილისში ღამით იმ დროს მოხდა, როდესაც ბულგარეთის ნაკრების ფეხბურთელები ორი ავტობუსით სასტუმროსკენ მიემართებოდნენ. არსებული ინფორმაციით, ერთ-ერთი ავტობუსის მძღოლმა საჭე ვერ დაემორჩილა და მეორეს შეეჯახა.

მომხდართან დაკავშირებით გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება