რუსეთის პრეზიდენტმა ვლადიმერ პუტინმა თავი მე-18 საუკუნის რუსეთის იმპერატორ პეტრე დიდს შეადარა და აღნიშნა, რომ მათ აქვთ ისტორიული სწრაფვა რუსული მიწების დასაბრუნებლად. პრეზიდენტმა ეს განცხადება ომპერატორისადმი მიძღვნილ გამოფენაზე გააკეთა.

პუტინის გამოფენაზე ვიზიტამდე, სახელმწიფო ტელევიზიამ გაუშვა დოკუმენტური ფილმი, რომელშიც შეაქო პეტრე დიდი, როგორც მკაცრი სამხედრო ლიდერი, რომელიც მნიშვნელოვნად აფართოებდა რუსეთის ტერიტორიას შვედეთისა და ოსმალეთის იმპერიის ხარჯზე მის მიერ აშენებული მოდერნიზებული არმიითა და საზღვაო ფლოტით

„როგორც ჩანს, ჩვენი წილიც არის, დავიბრუნოთ [რუსეთი] და გავაძლიეროთ [ქვეყანა]. და თუ ჩვენ გამოვალთ იქიდან, რომ ეს ძირითადი ფასეულობები ქმნიან ჩვენი არსებობის საფუძველს, ჩვენ აუცილებლად მივაღწევთ ჩვენს წინაშე არსებული ამოცანების გადაჭრას,"- განაცხადა პუტინმა.

რამდენიმეთვიანი უარყოფის შემდეგ, რომ რუსეთს უკრაინაში იმპერიული ამბიციები ამოძრავებს , პუტინმა, რუსეთის ამჟამინდელ სამხედრო მოქმედებები პეტრე I-ის მოღვაწეობასთან გააგივა.

”პეტრე დიდი აწარმოებდა ჩრდილოეთის დიდ ომს 21 წლის განმავლობაში. მან ის დაიბრუნა, რაც ისტორიულად რუსეთს ეკუთვნოდა," -აღნიშნა  რუსეთის პრეზიდენტმა ხუთშაბათს მეფისადმი მიძღვნილი გამოფენის მონახულების შემდეგ.

პუტინი, რომელიც უკვე 23-ე წელია ხელისუფლებაში იმყოფება, ცდილობს რუსეთის ქმედებები უკრაინაში, ისტორიული პარალელების წარმოდგენით გაამართლოს და ამტკიცებს, რომ უკრაინას არ აქვს რეალური ეროვნული იდენტობა ან სახელმწიფოებრიობის ტრადიცია.

ავტორი: ექსპრესნიუსი,

სოციალური ქსელები

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით