ქედის მუნიციპალიტეტი გილოცავთ ბავშვთა საერთაშორისო დღეს

2022-06-01 22:53:38, 1402 ნახვა

პოლიტიკა

ბავშვთა დაცვის საერთაშორისო დღე ქედაში სხვადასხვა ღონისძიებებით აღინიშნა. - ამის შესახებ ინფორმაციას ქედის მუნიციპალიტეტი ავრცელებს.

მათივე თქმით, ააიპ ,,სახელოვნებო სკოლის" მოსწავლე-ახალგაზრდებმა კონცერტი გამართეს. წარმოდგენილი იყო ცეკვა ,,ხორუმი და ,,განდაგანა". საფორტეპიანო, საორკესტრო და ხალხური საკრავების განყოფილების მოსწავლეებმა პატარა პუბლიკის წინაშე სხვადასხვა ნაწარმოები შეასრულეს.

ბავშვების გართობაზე გასართობი ცენტრის mickey's house მულტფილმის გმირები და ანიმატორები ზრუნავდნენ.

ბავშვების განსაკუთრებული ოვაცია მიკი და მინი მაუსის გამოჩენამ გამოიწვია. პატარები აქტიურად ჩაერთნენ გასართობ და სახალისო თამაშებში. ასევე, მოეწყო ფოტოსესია და სახის მოხატვა.

ღონისძიების დასასრულს პატარებს სახელოვნებო სკოლა ნაყინით გაუმასპინძლდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),