ბორჯომის ორივე ქარხნის თანამშრომლებმა პროტესტის ნიშნად გაფიცვა არჩიეს და ქარხნის ტერიტორიაზე კარვები გაშალეს.

თანამშრომლების ძირითადი მოთხოვნები შემდეგია : ისინი ითხოვენ უკვე გათავისუფლებული თანამშრომლების უკან დაბრუნებას, ძველი ხელშეკრულების პირობების მიხედვით მუშაობის გაგრძელებას, დავალიანების დაფარვას, ამასთან შანტაჟსა და ძალადობაში შემჩნეული პირების კომპანიიდან გათავისუფლებას.

„თანამშრომლების უმრავლესობა ხელშეკრულებას არ დავეთანხმეთ, რის შემდეგაც წამივიდა ძალადობა, დაშინება და დაშანტაჟება. დღეს ჩამოსულია მაჭავარიანი, რომელსაც აქამდე არ უნდოდა ჩვენთან შეხვედრა და ალბათ წამოვა რაიმე წინადადება“,- განაცხადა კომპანიის თანამშრომელმა.

როგორც, პროფკავშირების თავმჯდომარე გიორგი დიასამიძემ განაცხადა, მთლიანობაში კომპანიის 800-მდე თანამშრომელია გაფიცული, კომპანია ახლა რთულ ვითარებაში იმყოფება, ვინაიდან საკუთარი არაორდინალური გადაწყვეტილებებითა და ქედებებით  თავი „ჩიხში“ შეიყვანეს, საიდანაც გამოსავალი მხოლოდ ერთი იქნება, რომ წამოვიდნენ თანამშრომლებთან მოლაპარაკებებზე.

„დილის 06:00 საათიდან სრულმასშტაბიანი გაფიცვა განხორციელდა, როგორც ბორჯომის პირველ და ასევე, მეორე ქარხანაში. ორივე ქარხანა პარალიზებულია და არ ფუნქციონირებს. დასაქმებულები ითხოვენ: უკანონოდ გათავისუფლებული 50 ადამიანის დაუყოვნებლივ სამსახურში აღდგენა, ძველ კონტრაქტებზე დაბრუნებასს და ხელფასების მომატებას, ასევე იძულებაში, ზეწოლასა და შანტაჟში შემჩნეული ცალკეული პირების სამსახურიდან გათავისუფლებას”,- განაცხადა გიორგი დიასამიძემ.

შეგახსენებთ, რომ 29 აპრილს, კომპანია IDS ბორჯომმა ომისა და სანქციების გამო, წარმოება გაუგებარი დროით შეაჩერა, რის შემდეგაც ქარხნებში დასაქმებულ 1000 ადამიანს ახალი სახელფასო პირობები შესთავაზა - თანამშრომლებს ანაზღაურება გაუნახევრდათ და ზეგანაკვეთურ შრომაში ნაცვლად არსებული 140%-ისა, 125%-ს უნდა მიეღოთ. 

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება