2022-05-26 14:54:28, 982 ნახვა

---

კარლ ჰარცელის განცხადებით, საქართველო ევროკავშირში გაწევრიანების სტატუსზე პასუხს ორ-სამ კვირაში მიიღებს

ევროკავშირის ელჩი საქართველოში, კარლ ჰარცელი ვარაუდობს, რომ საქართველო, უკრაინა და მოლდოვა ევროკავშირის კანდიდატობის სტატუსზე პასუხს ორ-სამ კვირაში მიიღებენ. 

ჰარცელმა ასევე აღნიშნა, რომ ქართველი სამხედროები არა მხოლოდ ამ ქვეყნის დაცვას, არამედ მსოფლიოში ევროპული ფასეულობების დაცვას ემსახურებიან.

"მინდა ვისარგებლო ამ შესაძლებლობით და საქართველოს თითოეულ მოქალაქეს მოვულოცო დამოუკიდებლობის დღე. ასევე მინდა პატივი მივაგო იმ სამხედროების, რომლებმაც ახლა გაიარეს. ისინი არა მხოლოდ ამ ქვეყნის დაცვას, არამედ მსოფლიოში ევროპული ფასეულობების დაცვას ემსახურებიან. ახლა ევროკომისიამ უნდა წარმოადგინოს თავისი მოსაზრება საქართველოს, უკრაინისა და მოლდოვის აპლიკაციაზე და ჩემი პროგნოზით ეს მოხდება ორ-სამ კვირაში", - განაცხადა ჰარცელმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი