ქართველმა ხალხმა ყველაზე კარგად იცის დამოუკიდებლობის ღირებულება. გასულ საუკუნეში თქვენ ის ორჯერ გამოაცხადეთ, ჯერ რუსეთის იმპერიიდან, შემდეგ საბჭოთა კავშირიდან. დამოუკიდებლობა იოლი არ არის, მას ბრძოლა და შრომა სჭირდება,- ასე მიულოცა ევროპალამენტარმა ვიოლა ფონ კრამონმა საქართველოს დამოუკიდებლობის დღე.

მისი თქმით, ევროკავშირი არასოდეს რუსეთთან აღიარებს ე.წ არჩევნებს ან  რეფერენდუმს „შეერთების“ მიზნით.

„ამ მძიმე დროში საქართველო მრავალი გამოწვევის წინაშე დგას. რუსეთის მიერ საქართველოს მიწების ოკუპირება გრძელდება. ჩვენ, საქართველოს მეგობრები, არასოდეს ვაღიარებთ რუსეთთან ე.წ არჩევნებს ან ე.წ რეფერენდუმს „შეერთების“ მიზნით. ჩვენ თქვენი სუვერენიტეტის განმტკიცებაში თქვენს გვერდით ვდგავართ.

დამოუკიდებლობა ასევე ნიშნავს პასუხისმგებლობის აღებას თქვენს აწმყოზე და თქვენი მომავალის განსაზღვრაზე. ქართველებმა აბსოლუტური უმრავლესობით ევროპული მომავალი აირჩიეს. თქვენი ღირებულებებითა და იდენტობით, თქვენ მისასალმებელი ხართ ევროპულ ოჯახში, როცა დაუბრუნდებით დემოკრატიზაციის გზას“,- განაცხადა ევროპარლამენტარმა.

ავტორი: ექსპრესნიუსი,

სოციალური ქსელები

კიევი-ოდესის გზატკეცილზე რუსეთის საჰაერო დარტყმის შედეგად სამი ადამიანი დაიღუპა

NBA-ის ლეგიონი: როგორ ფორმაში ხვდებიან ქართველი კალათბურთელები ახალ სეზონს

ინფლაციური წნეხი, წინა თვეებთან შედარებით, გაზრდილია

The Sun: ჩრდილოეთ კორეის ლიდერი, სავარაუდოდ, კომაში ჩავარდა და ჩინეთში ჰოსპიტალიზებულია