მელია გარკვეულწილად განსხვავდება იმ ზონდერ ჯგუფისგან, რომელიც პოლიტიკურ ასპარეზზე ბრძოლასა და საქმიანობაზე უარს ამბობს, – ამის შესახებ პარლამენტის პირველმა ვიცე-სპიკერმა გია ვოსლკიმ განაცხადა.

გია ვოლსკიმ კომენტარი გააკეთა ვილნიუსში ნიკა მელიასა და ლიეტუვის სეიმის საგარეო და ევროპულ საქმეთა კომიტეტის წევრის, ჟიგიმანტას პავილიონისის შეხვედრაზე.

მისივე თქმით, საქართველოს არ სჭირდება დესტაბილიზაცია, არეულობა და პოლიტიკური დაპირისპირებები უნდა იყოს პარლამენტში.

„ნიკა მელია გარკვეულწილად განსხვავდება იმ ზონდერ ჯგუფისგან, რომელიც პოლიტიკურ ასპარეზზე ბრძოლასა და საქმიანობაზე უარს ამბობს. არანაკლები ზონდერ საქმიანობა ახასიათებს მასაც, მაგრამ ცდილობს, პოლიტიკაში თავისი თავი და თანამოაზრეები შეინარჩუნოს. გარკვეული დაპირისპირება არსებობს, მაგრამ მავნებლობის თვალსაზრისით, შეჯიბრში ჯერ სააკაშვილის გარშემო შეკრებული ჯგუფი სჯობს. საქართველოს არ სჭირდება დესტაბილიზაცია, არეულობა და პოლიტიკური დაპირისპირებები უნდა იყოს პარლამენტში.

ამასთან, გია ვოლსკი გამოეხმაურა ლიეტუვის პარლამენტის წევრის, ჟიგიმანტას პავილიონისის მიერ ერთ-ერთი მედიის ეთერში გაკეთებულ განცხადებას, სადაც პავილიონისი აღნიშნავს: „დღესდღეობით ევროპის და მსოფლიოს მომავალი ფორმირდება იმ ქვეყნების მიერ, ვინც უკრაინას მხარს უჭერს. დღეს საქართველო გაცილებით ახლოსაა რუსეთთან, ვიდრე უკრაინასთან“.

„რაც შეეხება ჟიგიმანტას პავილიონისს, ის არის ადამიანი, რომელიც საგარეო ურთიერთობათა კომიტეტის თავმჯდომარის თანამდებობიდან გადააყენეს. როცა ფეიკმოსაუბრეებმა, პოლიტიკოსებმა თითქოსდა დაურეკეს, მათ რჩევას აძლევდა, რომ გარკვეული ჯგუფი კონგრესმენების, რომლებიც მასთან არიან დაკავშირებული, გამოიყენონ თავისი ინტერესებისთვის და კონგრესმენთა ჯგუფს „ლათინუტ მაფიას“ ეძახდა. ტელეფონით ამას იმ ადამიანებს ელაპარალებოდა, რომლებმაც თავი პოლიტიკოსებად წარუდგინეს. ეს ადამიანი აბსოლუტურად შეუსაბამოა იმ პოზიციის, რაც აქვს – პარლამენტის წევრობა. ეს ადამიანი ერთ-ერთი ინდიკატორია იმის დასახასიათებლად, რას წარმოადგენს საქართველოში „ნაცმოძრაობა“, – განაცხადა გია ვოლსკიმ.

ავტორი: NS (სტატია დაფინანსებულია),

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს