ეს არის დიდი პასუხისმგებლობა, ან შევძლებთ რომ ვუპასუხოთ ამ გამოწვევას, ან ვერ შევძლებთ, მთლიანად ჩვენზეა დამოკიდებული, - ამის შესახებ საქართველოს პრეზიდენტმა, სალომე ზურაბიშვილმა განაცხადა, რითიც ევროკავშირის მიერ საქართველოსთვის გაწევრიანების კითხვარის გადმოცემას გამოეხმაურა.

სალომე ზურაბიშვილმა მოუწოდა საზოგადოებასა და პოლიტიკურ სპექტრს, გაერთიანდნენ ეროვნული თანხმობის იდეის გარშემო, რასაც ევროკავშირის წევრობა გულისხმობს.

„ამისთვის უნდა იყოს მობილიზებული ყველა ძალები. ეს არის საკითხი, რომელიც ვერ გადაწყდება რომელიმე ერთი ჯგუფის გადაწყვეტილებით და ძალისხმევით, ეს რის ეროვნული საქმე, ეს ეროვნული ინტერესია და მე არ წარმომიდგენია, რომ ასეთი უდიდესი ეროვნული საქმის მიმართ, რომელზეც ჩვენი წინაპრებიც კი ოცნებობდნენ, არ ვიყოთ ყველანი გაერთიანებულნი, ეს იქნება მოსახლეობა, რომელიც გაერთიანებუულია თუ პოლიტიკური სპექტრი, იმის მიუხედავად, ვინ რა გააკეთა, ვინ მეორეს რას აბრალებს ან არ აბრალებს.

ამ დღეს მივუდგეთ არა მხოლოდ სერიოზულობით, არამედ სრული ერთსულოვნებით უნდა მივუდგეთ. ვინც ამის ირგვლივ არ არის გაეერთიანებული, იმას არ სჯერა საქართველოს მომავლის. ამიტომ მინდა ყველას მოგიწოდოთ, ქალაქში თუ სოფელში, მოსახლეობა, პოლიტიკური პარტიები უნდა გავერთიანდეთ, ეს არის ერვნული თანხმობა, ინტერესი, ამ იზნის ირგვლივ და დარწმუნებული ვარ, რომ ეს ჩვენ შეგვიძლია“, - განაცხადა პრეზიდენტმა.

ავტორი: ექსპრესნიუსი,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა