შინაგან საქმეთა მინისტრის მოადგილის არჩილ თალაკვაძის განცხადებით, იუსტიციის ყოფილ მინისტრ ზურაბ ადეიშვილთან დაკავშირებით, საქართველოს მხრიდან ყველა პროცედურა დასრულბულია და სათანადო დოკუმენტაცია უკრაინის მხარეს უკვე გადაეცა.

ამის შესახებ თალაკვაძემ თემის კომენტირებისას განაცხადა.

„ელჩმა დაადასტურა რეალურად ის, რაც ჩვენ გუშინ ვთქვით ტელეკომენტარის საშუალებით და დღესაც გავიმეორებ, რომ საქართველოს მხრიდან ყველა პროცედურა დასრულებულია, სათანადო დოკუმენტაცია გადაეცა უკრაინის მხარეს. როგორც ვთქვი, უკვე გადაწყვეტილება ბატონი ადეიშვილის უკრაინის ტერიტორიაზე გადაადგილებასთან დაკავშირებით არის უშუალოდ უკრაინის სახელმწიფოს, უკრაინის მხარის მისაღები. ჩვენ ვერანაირ ზეწოლას უკრაინაზე ამ კუთხით ვერ მოვახდენთ.  დაველოდებით, როდესაც ისინი თავად მიიღებენ გადაწყვეტილებას”, - განაცხადა თალაკვაძემ.

მისივე თქმით, ქართული მხარე პატივს სცემს ნებისმიერ სახელმწიფოს, მათ შორის უკრაინის სუვერენიტეტს და მის გადაწყვეტილებას.

„ვიტყვი იმას, რომ ჩვენ პატივს ვცემთ ნებისმიერი სახელმწიფოს, მათ შორის უკრაინის სუვერენიტეტს, შესაბამისად რა გადაწყვეტილებას მიიღებს სახელმწიფო, პატივს ვცემთ იმ გადაწყვეტილებას, როგორც საქართველოს მთავრობა. მთავრობის პოლიტიკის სისუსტეს ამას ვერ დავარქმევდი, რადგან თქვენ შეგიძლიათ ნახოთ ინტერპოლის ვებგვერდი და  ნახოთ რომ ძალიან ბევრი ადამიანი მსოფლიო მასშტაბით არის ძებნილი  და გადაადგილდებიან სხვა ქვეყნების ტერიტორიებზე, ასე რომ ეს არ არის სიახლე. საქართველოსთვის შეიძლება ეს არის  სენსაციური ამბავი, როგორც ერთი ცალკე აღებული შემთხვევა, მაგრამ ინტერპოლისთვის ეს არ არის განსაკუთრებული სიახლე“, - განაცხადა არჩილ თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს