ომის წინ, უკრაინიდან შემოვიდა კონტრაბნდული პროდუქტი სააკაშვილის სახით, სამწუხაროდ, ეს არის ძალიან მძიმე მოვლენა, - ამის შესახებ  პარტია „ქართული ოცნების“ თავმჯდომარემ, ირაკლი კობახიძემ განაცხადა, რითიც უკრაინის თავდაცვის სამინისტროს დაზვერვის მთავარი სამმართველოს ინფორმაციას გამოეხმაურა.

ირაკლი კობახიძის თქმით, ბრალდების დამტკიცება პირველ რიგში, უკრაინის ხელისუფლების პასუხისმგებლობაა.

„ერთი მხრივ, საუბარია იმაზე, რომ პროდუქტი, რაზეც საუბრობს უკრაინის ხელისუფლება, უნდა შევიდეს საიდანღაც საქართველოს გავლით. როგორც ექსპერტები ამბობენ, ეს პროდუქტი თავისთავად უკავშირდება იმ ქვეყნებს, რომლებიც სანქციებს აწესებენ რუსეთის მიმართ. აქედან გამომდინარე, ალოგიკურობის მთელი ჯაჭვია წარმოდგენილი ამ გადაწყვეტილებაში. ეს არის მარტივი აბსურდი. ყველანაირი წითელი ხაზია გადაკვეთილი, მაგრამ ჩვენ მაინც არ გვაქვს უფლება, თუნდაც ამ შემთხვევაში, უკრაინის ხელისუფლებას უხეშად დავუპირისპირდეთ. უკრაინის ხელისუფლება არის ომის მდგომარეობაში, შესაბამისად, ამას ჩვენ ანგარიში უნდა გავუწიოთ.

უკრაინიდან შემოვიდა კონტრაბანდული პროდუქტი სააკაშვილის სახით ომის წინ. სამწუხაროდ, ეს არის ძალიან მძიმე მოვლენა. როგორ გადმოკვეთა ამ კონტრაბანდულმა პროდუქტმა უკრაინის საზღვარი, ეს შეგიძლიათ მოიკითხოთ.

რაც შეეხება ბრალდების დამტკიცება არდამტკიცებას, ეს რა თქმა უნდა, პირველ რიგში, უკრაინის ხელისუფლების პასუხისმგებლობაა. როდესაც რაღაცას გაბრალებენ, დამბრალებელმა თვითონ უნდა დაამტკიცოს, რამდენად არის მისი განცხადება სიმართლე. აქედან გამომდინარე, ხელისუფლების პოზიციაა, უკრაინის ხელისუფლებამ უნდა წარმოადგინოს ინფორმაციის წყარო, ამის შემდეგ შეგვიძლია, ვიმსჯელოთ ყველაფერზე. ჩვენ ვართ დარწმუნებული, ვერავითარ წყაროს, ვერავითარ მტკიცებულებას ვერ წარმოადგენენ, რადგან ეს არის აბსურდი“, - განაცხადა ირაკლი კობახიძემ. 

შეგახსენებთ, რომ გუშინ უკრაინის თავდაცვის სამინისტროს დაზვერვის სამსახურმა გაავრცელა ინფორმაცია, რომლის მიხედვითაც სანქციების გამო, რუსი აგენტები აყალიბებენ კონტრაბანდის არხებს, რომელიც გადის საქართველოს ტერიტორიაზე.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times