ევროკავშირი „ყველაზე მკაცრად გმობს სისასტიკეს, რომელიც, გავრცელებული ინფორმაციით, ჩაიდინა რუსეთის სამხედროებმა რიგ [რუსეთის] ოკუპირებულ ქალაქებში, რომლებიც ახლა გათავისუფლდნენ [რუსული ჯარებისგან]“, ნათქვამია ევროპის საბჭოს განცხადებაში.

მშვიდობიანი მოსახლეობის დიდი რაოდენობის მსხვერპლის, ისევე როგორც სამოქალაქო ინფრასტრუქტურის განადგურების კადრები გვიჩვენებს სასტიკი აგრესიული ომის ნამდვილ სახეს, რომელსაც რუსეთი აწარმოებს უკრაინისა და მისი ხალხის წინააღმდეგ. ბუჩასა და უკრაინის სხვა ქალაქებში მომხდარი ხოცვა-ჟლეტა ევროპის მიწაზე ჩადენილი სისასტიკის სიაში შევა. - აღნიშნულია განცხადებაში.

„რუსეთის ხელისუფლება ეკისრება პასუხისმგებლობას ამ სისასტიკეზე, რომელიც ჩადენილი იყო მაშინ, როდესაც ისინი აკონტროლებდნენ ამ ტერიტორიას“, - განაცხადა ევროპის საბჭომ.

„საომარი დანაშაულებისა და სხვა სერიოზული დარღვევების ჩამდენი პირები, ასევე მათზე პასუხისმგებელი ხელისუფლების წარმომადგენლები და სამხედრო მეთაურები პასუხს აგებენ“, - ნათქვამია განცხადებაში.

რუსი დამპყრობლებისგან გათავისუფლებული კიევის ოლქის ტერიტორიიდან უკვე ნანახი და გადმოსვენებულია 410 დაღუპული მშვიდობიანი მოქალაქის ცხედარი. - ამის შესახებ, უკრაინის გენერალურმა პროკურორმა ირინა ვენედიქტოვამ Facebook-ზე განაცხადა.

1 აპრილს ბუჩას მერმა ანატოლი ფედორუკმა დაადასტურა, რომ უკრაინელმა სამხედროებმა რუსი ოკუპანტები განდევნეს. უკან დახევისას რუსებმა დანაღმეს სამოქალაქო ნაგებობები, ინფრასტრუქტურული ობიექტები და დასახლებული პუნქტები.
გათავისუფლებულ ქალაქში უკრაინელმა სამხედროებმა დაიწყეს ტერიტორიის გაწმენდა დივერსანტებისა და რუსი თანამზრახველებისგან.

2 აპრილის საღამოს უკრაინის თავდაცვის მინისტრის მოადგილემ ანა მალიარმა განაცხადა, რომ მთელი კიევის რეგიონი განთავისუფლდა რუსი დამპყრობლებისგან.

უკრაინელმა სამხედროებმა, რომლებმაც კიევის ირგვლივ ყველა ტერიტორია დაიბრუნეს, აცხადებენ, რომ ქალაქებში დაღუპულ მშვიდობიან მოქალაქეებს პოულობენ. განთავისუფლებული ქალაქი ბუჩას მერმა თქვა, რომ 300 მცხოვრები დაიღუპა რუსული არმიის ერთთვიანი ოკუპაციის დროს, ხოლო მსხვერპლი ნახეს მასობრივ საფლავში, ზოგი კი, კვლავ ქუჩებში ეგდო.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times