უკრაინის პრეზიდენტმა ვლადიმირ ზელენსკიმ განაცხადა, რომ შეერთებული შტატები არაა თანახმაა უზრუნველყოს უსაფრთხოების გარანტიები უკრაინის მიერ მოთხოვნილი ფორმით. - ამის შესახებ მან CBS-თან ინტერვიუში განაცხადა.

კითხვაზე, მისცა თუ არა აშშ-ს ლიდერმა ჯო ბაიდენმა რაიმე მტკიცე დაპირება, რომ აშშ და ნატო არ დაუშვებდნენ უკრაინაში ომის განმეორებას, ზელენსკიმ თქვა:

"მინდა მადლობა გადავუხადო შეერთებულ შტატებს და ბაიდენის ადმინისტრაციას ორპარტიული მხარდაჭერისთვის, ყველაფრისთვის, რასაც ისინი აკეთებენ ჩვენთვის. თუმცა, შეერთებულმა შტატებმა არ მოგვცა უსაფრთხოების გარანტიები. ეს უნდა გავიგოთ." - აღნიშნა ზელენსკიმ.

გარდა ამისა, პრეზიდენტმა განაცხადა, რომ უკრაინას ჯერ არ მიუღია გარანტიები სხვა ქვეყნებისგან.
„ჩვენ გვინდა შევქმნათ ჩვენი ნატო. ჩვენთვის მნიშვნელოვანია, რომ ნატოს უმსხვილესი და ეფექტური ქვეყნები უზრუნველყონ აგრესიის შემთხვევაში მხარდაჭერა. თურქეთი ჩვენთვის ძალიან მნიშვნელოვანია, ის არის ნატოს უდიდესი არმია ევროპაში. შეერთებული შტატები და დიდი ბრიტანეთიც მნიშვნელოვანია, ახლა მიმდინარეობს ძალიან აქტიური კონსულტაციები, უკვე ოფიციალურად გამოცხადდა, რომ ნატოს სამი წევრი ქვეყანა მზად არის გარანტიები გასცეს ზუსტად იმ ფორმატში, როგორც ვთქვი, ეს არის რეალურად ნატოს მე-5 მუხლი, მაგრამ უფრო მკაცრი გააქტიურებით. მექანიზმი - მათ უნდა გაიარონ კონსულტაცია და დახმარება 72 საათის განმავლობაში“, - განაცხადა ზელენსკიმ.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times