21 მარტს, მსოფლიო ტყის საერთაშორისო დღეს აღნიშნავს!

ამ დღის მიზანია საზოგადოების ინფორმირება ტყეების მნიშვნელობის შესახებ. ტყის დაცვა, აღდგენა და მისი მდგრადი მართვა უმნიშვნელოვანესია ჩვენი და მომდევნო თაობების უკეთესი მომავლისთვის. ტყის დაცვა-აღდგენა ხელს უწყობს ჯანსაღი გარემოს, სუფთა წყლის, ჰაერის და საკვების შენარჩუნებას, ტყე უმნიშვნელოვანესია პლანეტის ბიომრავალფეროვნებისთვის და კლიმატის ცვლილების შერბილებისთვის.

დაცული ტერიტორიების სააგენტო უმნიშვნელოვანეს ღონისძიებებს ახორციელებს საქართველოს დაცულ ტერიტორიებზე ტყის მოვლა-აღდგენის მიმართულებით:

აჯამეთის აღკვეთილში, 2016 წლიდან დღემდე, წარმატებით მიმდინარეობს საქართველოს „წითელი ნუსხის“ სახეობის - იმერული მუხის აღდგენის პროექტი, დაახლოებით 56 ჰა ტერიტორიაზე.

აღსანიშნავია, რომ 2021 წელს ჩატარდა ბორჯომ-ხარაგაულის ეროვნული პარკის ტყის ინვენტარიზაცია 56 033 ჰა-ზე; 2021 წლის მდგომარეობით, ტყის ინვენტარიზაცია ჩატარებულია ჯამში 146 249,5 ჰა ტერიტორიაზე, საიდანაც ტყით დაფარული ტერიტორიის ფართობი შეადგენს 126 056 ჰა-ს.

2021 წელს განხორციელდა საპილოტე პროექტი, კერძოდ, 2 დაცულ ტერიტორიაზე: მტირალას ეროვნული პარკისა (15 806 ჰა) და კინტრიშის დაცული ტერიტორიებისთვის (13 514 ჰა) შემუშავდა ტყის მონიტორინგის გეგმები, რაც ეფუძნება ტყის ეროვნული აღრიცხვის მეთოდოლოგიას. 2022 წელს, გარემოს დაცვისა და სოფლის მეურნეობის სამინისტროს დაცული ტერიტორიების სააგენტოსთვის, ტყის ინვენტარიზაცია და მონიტორინგის გეგმების შემუშავება კვლავ პრიორიტეტულ მიმართულებად დარჩება.

ტყის საერთაშორისო დღე 2013 წლიდან, გაეროს გენერალური ასამბლეის გადაწყვეტილებით აღინიშნება.

ავტორი: NS (სტატია დაფინანსებულია),

სოციალური ქსელები

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა

პენიტენციურის თანამშრომლების ფიზიკური შეურაცხყოფისთვის 3 მსჯავრდებულს ბრალდება წარედგინა