უკრაინის პრეზიდენტის ვოლოდიმირ ზელენსკის ღამის გამოსვლის კიდევ ერთი ნაწილი ფართოდ გავრცელდა უცხოურ მედიაში. მან მარიუპოლში სამხედრო მოქმედებებს ტერორი უწოდა, რომელიც ისტორიაში დარჩება.

"ალყაში მოქცეული, წამებული მარიუპოლი დარჩება ომის დანაშაულებებზე პასუხისმგებლობის ისტორიაში. ამის გაკეთება მშვიდობიან ქალაქში, რაც გააკეთეს ოკუპანტებმა, არის ტერორი, რომელიც გაახსენდება მთელს მსოფლიოს მომავალ საუკუნეებშიც. რაც უფრო მეტს უკრაინელები ეტყვიან მსოფლიოს, რაც უფრო მეტ მხარდაჭერას ვპოულობთ. რაც უფრო მეტად გამოიყენებს რუსეთი ტერორს უკრაინის წინააღმდეგ, მით უარესი შედეგები მოჰყვება რუსეთის ყოფას“, - განაცხადა მან.

რუსეთის შეიარაღებულმა ძალებმა მარიუპოლის სამხატვრო სკოლას, სადაც 400-მდე მოქალაქე იმალებოდა, ბომბები დაუშინეს. ამის შესახებ მარიუპოლის საკრებულო Telegram-ში იტყობინება.

მათი ცნობით, შენობას თავს ბავშვები, ქალები და ხანდაზმულები აფარებდნენ, რომლებიც ამ დრომდე ნანგრევებში რჩებიან. 

„რუსმა ოკუპანტებმა ბომბები ჩამოაგდეს მარიუპოლის მარცხენა სანაპიროს ოლქის G12 ხელოვნების სკოლასთან, სადაც 400-მდე მარიუპოლის მცხოვრები იმალებოდა - ქალები, ბავშვები და ხანდაზმულები. შენობა დანგრეულია. ხალხი ნანგრევების ქვეშ რჩება. მსხვერპლის რაოდენობის შესახებ ინფორმაცია ზუსტდება", - ნათქვამია განცხადებაში.

ამ კვირაში ომის ერთ-ერთი მთავარი მოვლენა იყო მარიუპოლში დრამატული თეატრის შენობის დაბომბვა და ფაქტობრივი განადგურება, სადაც ასობით მშვიდობიანი მოქალაქე იმალებოდა. უკრაინამ დაბომბვაში რუსეთი დაადანაშაულა.

მაშინ რუსეთის თავდაცვის სამინისტრომ უარყო მონაწილეობა საჰაერო თავდასხმაში - მოსკოვი ამტკიცებს, რომ ეს იყო აზოვის ბატალიონის "პროვოკაცია", რომლის მებრძოლებმა, სავარაუდოდ, ააფეთქეს მათ მიერ დანაღმული შენობა.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times