საქართველოს ხელისუფლება თავისი გადაწყვეტილებით, რაც უკრაინას ეხება, ღალატობს ქართველ ხალხს და უკრაინელებს, - ამის შესახებ უკრაინის რადას დეპუტატმა, ალექსეი გონჩარენკომ „მთავარ არხთან“ საუბრისას განაცხადა.

მისივე თქმით, საქართველოს ხელისულებამ აირჩია დიქტატორი, აგრესორი პუტინისა და ლუკაშენკოს პოლიტიკა, ამიტომ ის, რაც შეიძლება მალე უნდა შეიცვალოს.

„საქართველოს ხელისუფლება თავისი გადაწყვეტილებით, რაც უკრაინას ეხება, ღალატობს ქართველ ხალხს და ასევე უკრაინელებს - რუსეთისთვის სანქციების არდაწესებით, ქართველი მოხალისეებისთვის ხელის შეშლით, რომ ჩამოვიდნენ უკრაინაში და მიიღონ საბრძოლო მოქმედებებში მონაწილეობა. სწორედ ამ ქმედებებიდან მოხდა საქართველოდან უკრაინის ელჩის და ეს სწორი გადაწყვეტილებაა.

საქართველოს მოსახლეობა უნდა დაფიქრდეს იმაზე, თუ როგორი ხელისუფლება ჰყავს. საქართველო არის ქვეყანა, რომელიც გვიყვარს და პატივს ვცემთ. სამწუხაროდ, საქართველოს ხელისუფლებამ აირჩია დიქტატორი, აგრესორი პუტინის და ლუკაშენკოს პოლიტიკა. საქართველოში ხელისუფლება რაც შეიძლება მალე უნდა შეიცვალოს“, - განაცხადა  ალექსეი გონჩარენკომ „მთავარ არხთან“ საუბრისას.

შეგახსენებთ, რომ გუშინ, უკრაინის პრეზიდენტმა ვოლოდიმირ ზელენსკიმ განაცხადა, რომ საქართველოდან უკრაინის ელჩი გაიწვია და მიზეზად, სანქციებთან დაკავშირებით საქართველოს ხელისუფლების „ამორალური პოზიცია“ დაასახელა.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times