საპარლამენტო ფრაქცია „ნაციონალური მოძრაობა- ძალა ერთობაშია“ გამოდის ინიციატივით, „ლელოს" ლიდერი ბადრი ჯაფარიძისა და „ლეიბორისტული პარტიის" ლიდერის, შალვა ნათელაშვილის მანდატები პროპორციული სიით შეივსოს.

შესაბამისი განცხადება „ნაციონალური მოძრაობის“ წარმომადგენლების მიერ გამართულ ბრიფინგზე, ფრაქციის თავმჯდომარე ხატია დეკანოიძემ გააკეთა.

„მინდა ყველას ვუთხრა, ჩვენს საერთასორისო პარტნიორებს ვისთანაც გუშინ გვქონდა საუბარი, ასევე არასამთავრობო ორგანიზაციებს. ღიად და საჯაროდ ვაცხადებთ, იმისთვის, რომ ჩვენს საქართველოს პარლამენტში, ყველა იმ პარტიას, რომელსაც აქვს ხალხისგან მინიჭებული მანდატი, რომელიც დღეს უნდა ჩამოერთვას ბიძინა ივანიშვილის განკარგულებით ბადრი ჯაფარიძესა და შალვა ნათელაშვილს, უნდა შეივსოს გახსნილი სიებით, პროპორციული სიებით, რომელიც რეალურად იქნება ის პროპორცია, რაც ქართველმა ხალხმა, გაყალბებით და ზეწოლით, თუმცა, მაინც არჩევნებზე მიანიჭა ამ პოლიტიკურ პარტიებს. ჩვენ ჩვენს საერთაშორისო პარტნიორებთან, მათ შორის, არასამთავრობო ორგანიზაციებთან გვექნება და გვაქვს ამაზე საუბარი. ყველა მანდატი უნდა დაუბრუნდეს ოპოზიციურ პარტიებს“, - განაცხადა ხატია დეკანოიძემ.

ცნობისთვის, დღეს, 15 თებერვალს პარლამენტის პლენარულ სხდომაზე საპარალამენტო უმრავლესობა ბადრი ჯაფარიძის, ელენე ხოშტარიასა და შალვა ნათელაშვილისთვის სადეპუტატო უფლებამოსილების შეწყვეტას მხარს დაუჭერს. 

ავტორი: ექსპრესნიუსი,

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა