თეთრმა სახლმა გამოაქვეყნა პრესრელიზი აშშ-ისა და რუსეთის პრეზიდენტების ჯო ბაიდენისა და ვლადიმერ პუტინის მოლაპარაკებების შესახებ, რომელიც, დღეს სატელეფონო საუბრისას გაიმართა. პრესრელიზში ნათქვამია, რომ შეერთებული შტატები უკრაინაში რუსეთის შეჭრის შემთხვევაში, სწრაფ და გადამწყვეტ პასუხს გასცემს და ამას სერიოზული შედეგები მოჰყვება.

„ბაიდენმა გაიმეორა, რომ რუსეთის შეჭრა უკრაინაში გამოიწვევს მასობრივ ჰუმანიტარულ შედეგებს და შეასუსტებს რუსეთის ავტორიტეტს“, - ნათქვამია თეთრი სახლის პრესრელიზში.

გავრცელებულ ინფორმაციაში ასევე აღნიშნულია, რომ ბაიდენმა პუტინს უთხრა, იმის შესახებ, როგორაა შეერთებული შტატები მზად გააგრძელოს კონფლიქტის მოგვარების დიპლომატიური გზა, მაგრამ თანაბრად მზადაა სხვა სცენარისთვის.

რუსეთის პრეზიდენტმა ვლადიმერ პუტინმა და აშშ-ს პრეზიდენტმა ჯო ბაიდენმა  უკრაინაში არსებულ ვითარებაზე სატელეფონო საუბარი გამართეს, საუბარი ერთ საათზე მეტხანს გაგრძელდა. ამის შესახებ Reuters თეთრი სახლის წარმომადგენელზე დაყრდნობით იტყობინება.

ორი ქვეყნის ლიდერის საუბარი დაიწყო დილის 11:04 საათზე ET (მოსკოვის დროით 19:04) და დასრულდა 12:06 ET (მოსკოვის დროით 20:04).

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი