ეკონომიკის მინისტრის თანამდებობაზე ნათია თურნავას ლევან დავითაშვილი შეცვლის. აღნიშნულის შესახებ პრემიერ-მინისტრმა ირაკლი ღარიბაშვილმა, მთავრობის ადმინისტრაციაში გამართულ ბრიფინგზე განაცხადა. 

„განვახორციელეთ ცვლილებები და ამის თაობაზე მინდა საზოგადოებას ვაცნობო. ეკონომიკის მინისტრად დაინიშნა ბატონი ლევან დავითაშვილი, ძალიან წარმატებული გარემოს დაცვისა და სოფლის მეურნეობის მინისტრი იყო, ბოლო 5 წელი ერთგულად ემსახურა სამინისტროს და ქვეყანას. ლევანი დაინიშნა ეკონომიკის მინისტრად, ის განათლებით ეკონომისტია და მჯერა, რომ იქნება წარმატებული ეკონომიკისა და მდგრადი განვითარების მინისტრი. ამავდროულად, ის ვიცე-პრემიერია.

რაც შეეხება ქალბატონ ნათიას, პირველ რიგში მინდა მადლობა ვუთხრა მას, ის 3 წელი იყო მინისტრი და ძალიან ბევრი, მნიშვნელოვანი საქმე გააკეთა. ნათია იყო და არის ჩვენი გუნდის წევრი, მას აქვს თავისი გეგმები და ხედვები, ამის თაობაზე თავად მოგახსენებთ მოგვიანებით და კიდევ ერთხელ მინდა წარმატება ვუსურვო“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

აქტივისტმა თამარ ლორთქიფანიძემ საპატიმრო დატოვა

ქართული სამოქალაქო ორგანიზაციები პარტიების აკრძალვის შესახებ საგანგებო მიმართვას ავრცელებენ

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა