ევროკავშირის ელჩი, კარლ ჰარცელი მიიჩნევს, რომ სახალხო დამცველის სამედიცინო გუნდის მიერ წარმოდგენილი ანგარიში და შეფასებები მნიშვნელოვანია, რადგან მიხიელ სააკაშვილის ჯანმრთელობის მდგომარეობასთან დაკავშირებული სიტუაცია ობიექტურად შეფასდეს.

მისივე თქმით,  სააკაშვილის მდგომარეობას, როგორც ჯანმრთელობის ისე სასამართლო პროცესებთან მიმართებაში ყურადღებით აკვირდებიან.

"მიხეილ სააკაშვილის საქმეს თავიდანვე ყურადღებით ვაკვირდებით, ძირითადად სამი კუთხით: პირველი და უმნიშვნელოვანესი მისი ჯანმრთელობის მდგომარეობაა, მეორე, მის მიმართ, როგორც პატიმრის მიმართ მოპყრობა და მესამე, რომ მის საქმეებთან დაკავშირებული სასამართლო პროცესები იყოს სამართლიანი.

ჩვენ ხვალ ველოდებით სახალხო დამცველის სამედიცინო გუნდის ანგარიშს და ძალიან მნიშვნელოვანია, როგორი იქნება ამ ჯგუფის შეფასებები, ვინაიდან ობიექტური სამედიცინო რეკომენდაციის გათვალისწინება მნიშვნელოვანი ფაქტორია იმ დროს, როდესაც აფასებ, თუ როგორია სიტუაცია და რისი გაკეთებაა საჭირო მომავალში", - აღნიშნა ევროკავშირის ელჩმა.

ავტორი: ექსპრესნიუსი,

სოციალური ქსელები

საკონსტიტუციო სასამართლოს წინ ხალხი იკრიბება, ადგილზე მობილიზებულია პოლიცია

Porsche Mission S - სპორტული ავტომობილის ახლებური გააზრება

ქვეყნის მასშტაბით სამართალდამცველებმა ნარკოდანაშაულის ბრალდებით 142 პირი დააკავეს, მათ შორის ნარკორეალიზაციაში სხვადასხვა ფორმით ჩართული 62 პირია

აქტივისტმა თამარ ლორთქიფანიძემ საპატიმრო დატოვა