ქალბატონო ანა, თქვენ დღის წესრიგს მიდგენთ, დილით როდის გავიღვიძო, ჩაი როდის დავლიო და ბიუროზე როდის მოვიდე, - ასე მიმართა უმრავლესობის წევრმა, გურამ მაჭარაშვილმა ,,ლელო"-ს დეპუტატს, ანა ნაცვლიშვილს, რომელიც ბიუროს სხდომის ჩატარებამდე საკითხის გადადებას ითხოვს. 

მაჭარაშვილის ამ განცხადებამდე ნაცვლიშვილმა უმრავლესობის დეპუტატებს მიმართა და განმარტება მოითხოვა, რატომ ჩაშალეს ბიუროს სხდომა, სადაც მის პარტიას „ამნისტიის შესახებ“ ასევე სახელმწიფო ინსპექტორის შესახებ ალტერნატიული კანონპროექტები უნდა დაერეგისტრირებინა. 

ანა ნაცვლიშვილმა აღნიშნა, რომ უმრავლესობას პლენარულ სხდომაზე ოპოზიციის კანონპროექტის გატანის ეშინია. 

,,მოუწოდეთ საკუთარი პარტიის წევრებს, თუ გაქვთ ამდენი ძალაუფლება პარტიაში, რომ ჩაინიშნოს ბიურო, ან გადავდოთ განხილვა. ძალიან გთხოვთ ტყუილში ნუ შეგყავთ საზოგადოება! საგნობრივი მსჯელობა რომ გვინდოდა, სწორედ ამიტომ შემოვიტანეთ ალტერნატიული კანონპროექტები, მაგრამ თქვენ არც საგნობრივი მსჯელობა გინდათ და არც სიმართლის მოსმენა. ამაშია პრობლემა. რატომ გეშინიათ, რომ პლენარულ სხდომაზე დადგეს ორი კანონპროექტი და საზოგადოებამ შეაფასოს თქვენი კანონპროექტი აძლიერებს ადამიანის უფლებებს თუ ჩვენი? ამის რატომ გეშინიათ?“ - მიმართა ნაცვლიშვილმა მაჭარაშვილს.

ავტორი: ექსპრესნიუსი,

სოციალური ქსელები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს

პარტიების მოთხოვნა მოსამართლეების აცილებაზე საკონსტიტუციოს პლენუმმა არ დააკმაყოფილა