ეს არ არის რეფორმა, ეს არის შტურმი სახელმწიფო ინსპექტორის სამსახურზე, – ამის შესახებ სახელმწიფო ინსპექტორმა, ლონდა თოლორაიამ განაცხადა, რითიც პარლამენტის მიერ დაჩქარებული წესით ინსპექტორის სამსახურის გაუქმების შესახებ კანონპროექტის განხილვას გამოეხმაურა.

ლონდა თოლორაიამ იმედი გამოთქვა, რომ საპარლამენტო უმრავლესობა მოუხმობს კეთილგონიერებას და აღნიშნულ კანონპროექტს არ აქცევს კანონად. 

„ეს არ არის რეფორმა, ეს არის შტურმი სახელმწიფო ინსპექტორის სამსახურზე, რომელიც არის დამოუკიდებელი სამსახური, რომელიც თავის გადაწყვეტილებებს არასდროს უთანხმებდა არავის და ეს არის შურისძიება. ამ კანონპროექტით დაგეგმილია არა მხოლოდ სამსახურის გაუქმება და სახელმწიფო ინსპექტორის სახლში გაშვება, რაც ჩემთვის ყველაზე ნაკლებ პრიორიტეტულია, სახელმწიფო ინსპექტორის ყველა თანამშრომლის სახლში გაშვება. გარდა იმისა, რომ არანაირი კონულტაციები ჩემთან არ ყოფილა, აღნიშნული კანონპროექტი დაინიცირების შემდაც კი, ჩემთვის არავის გამოუგზავნია. ძალიან დიდი იმედი მაქვს, რომ კეთილგონიერებას მოუხმობენ და ეს კანონპროექტი არ იქცევა კანონად“, – განაცხადა ლონდა თოლორაიამ.

ავტორი: ექსპრესნიუსი,

სოციალური ქსელები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს

პარტიების მოთხოვნა მოსამართლეების აცილებაზე საკონსტიტუციოს პლენუმმა არ დააკმაყოფილა