ევროკავშირის საგარეო საქმეთა და უსაფრთხოების პოლიტიკის უმაღლეს წარმომადგენელი, ჟოზეფ ბორელი შარლ მიშელის შეთანხმებაზე ხელმომწერ ოპოზიციურ პარტიებს საპასუხო წერილს უგზავნის.

როგორც წერილშია აღნიშნული, ის იზიარებს შეშფოთებას სასამართლო სისტემისა და საარჩევნო რეფორმების შეფერხების გამო, რაც ევროკავშირი-საქართველოს ასოცირების შეთანხმების არსს ეხება.

მისივე თქმით, ევროკავშირი გააგრძელებს დახმარებას იმ პარტნიორების უმეტესობისთვის, რომლებიც მზად არიან განახორციელონ რეფორმები. 

"ინკლუზიური რეფორმების დროული მიღება და განხორციელება რჩება ხელშესახები პროგრესის საუკეთესო შანსად საქართველოში დემოკრატიისა და მდგრადობის შემდგომი შენების საქმეში, და მავნე პოლარიზაციის დასრულების, რომელიც ამჟამად გავლენას ახდენს ქართულ პოლიტიკურ სისტემაზე.

განსაკუთრებული ყურადღება უნდა მიექცეს მართლმსაჯულების სექტორსა და დემოკრატიულ რეფორმებს. ვინაიდან უპირველესი პასუხისმგებლობა ეკისრება მთავრობას, ძალზე მნიშვნელოვანია, რომ მთავრობამ და ოპოზიციამ ერთობლივი წვლილი შეიტანონ დეესკალაციაში და კონსტრუქციული რეფორმების დღის წესრიგის განხორციელებაში.

როგორც 15 დეკემბრის აღმოსავლეთ პარტნიორობის სამიტის ერთობლივ დეკლარაციაშია ასახული, ჩვენი თანამშრომლობის ფარგლები და სიღრმე სხვა ასპექტებთან ერთად, რეფორმების ტემპითა და ხარისხით გაგრძელდება.

ევროკავშირის პირობითობაზე და სტიმულირებაზე დაფუძნებული მიდგომა ("მეტი-მეტისთვის" და "ნაკლები-ნაკლებისთვის") გააგრძელებს დახმარებას იმ პარტნიორების უმეტესობისთვის, რომლებიც მზად არიან განახორციელონ რეფორმები.

ეს იყო ასევე ნათელი გზავნილი ევროკავშირისგან აღმოსავლეთ პარტნიორობის სამიტზე.

ევროკავშირი გააგრძელებს ამბიციური რეფორმების ადვოკატირებას ევროკავშირ-საქართველოს ასოცირების შეთანხმების საფუძველზე, საქართველოსა და მისი ხალხის სასარგებლოდ", – ვკითხულობთ წერილში. 

ავტორი: ექსპრესნიუსი,

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს