„ლიბერთის“ მხარდაჭერით და გაეროს მოსახლეობის ფონდის (UNFPA) საქართველოს ოფისის ორგანიზებით რუსთავში, „60+ კლუბი ჯანსაღი და აქტიური ცხოვრებისთვის" წევრებთან ვაქცინაციის მნიშვნელობასთან დაკავშირებული შეხვედრა გაიმართა.

პანდემიის დამარცხების საქმეში ვაქცინაციის როლზე რუსთავის 60+ კლუბის წარმომადგენლებს ინფორმაცია გააცნო მედიცინის დოქტორმა, ალერგიისა და იმუნოლოგიის ცენტრის დირექტორმა მაია გოთუამ.

ცნობილმა ფოტოგრაფმა  ნათელა გრიგალაშვილმა კი 60+ კლუბის წევრებს საკუთარი ნამუშევრები წარუდგინა.

„ლიბერთი“ არაერთ პროექტს ახორციელებს   უფროსი თაობის საჭიროებებისა და ინტერესების გათვალისწინებით. მათ შორის არის  გაეროს მოსახლეობის ფონდის (UNFPA) საქართველოს ოფისის ინიციატივა „60+ კლუბები" , რომელიც   აქტიური დაბერების პოლიტიკის განხორციელებას და ხანდაზმულთა ცხოვრების ხარისხის გაუმჯობესებას უწყობს ხელს.

„60+ კლუბი ჯანსაღი და აქტიური ცხოვრებისთვის" არის წევრობაზე დაფუძნებული კლუბი, უფროსი ასაკის ადამინებისთვის  სოციალიზაციის სივრცე, რომელიც აქტიური და ჯანსაღი ცხოვრების ხელშეწყობისთვის, ჰარმონიული და მრავალფეროვანი გარემოს შექმნას ისახავს მიზნად.

ლიბერთის სტრატეგიისა და ღირებულებების ნაწილია სოციალური პასუხისმგებლობა, ადამიანებზე ზრუნვა, მათთან  მარტივი ურთიერთობა და ყველასთვის ხელმისაწვდომობა.

ავტორი: R (რეკლამა),

სოციალური ქსელები

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა