დედაქალაქის მერმა კახა კალაძემ  მოსწავლე-ახალგაზრდობის სასახლის აღდგენილი ფასადი და ახლადმოწყობილი დეკორატიული  მინათება დაათვალიერა.- ინფორმაციას თბილისი მერიაა ავრცელებს.

სასახლის რეაბილიტაცია-რესტავრაციის სამუშაოები პროექტ „ახალი ტფილისის“ ფარგლებში მიმდინარეობს.

„რამდენიმე ეტაპისგან შედგება მოსწავლე-ახალგაზრდობის სასახლის რეაბილიტაცია. მათგან პირველი ეტაპი იყო ფასადის მოწესრიგება. სამუშაოები დასრულებულია თავისი მხატვრული მინათებით და ამშვენებს რუსთაველს. შემდეგი ეტაპებია შიდა სამუშაოები და ეზოს კეთილმოწყობა, თავის მიწისქვეშა კომუნიკაციებით. ჩვენი დამოკიდებულება სწორედ ასეთია კულტურული მემკვიდრეობის ძეგლების მიმართ. ბევრი კარგი პროექტი გვაქვს გაკეთებული დედაქალაქში და მომდევნო ოთხი წელი იქნება აღმშენებლობის და განვითარების წლები ძველი თბილისისათვის“, - განაცხადა კახა კალაძემ.

პროექტი ითვალისწინებს საინჟინრო ქსელების მოწესრიგებას; 9 აპრილის ქუჩის მხარეს  მდებარე  მაღალი საყრდენი კედლის  გამაგრებას და  საძირკვლის გაძლიერებას; ინტერიერში ოთახების სარესტავრაციო-სარემონტო სამუშაოებს; მხატვრულ- დეკორატიული დარბაზების საკონსერვაციო-სარესტავრაციო სამუშაოებს; კარ-ფანჯრების განახლებას; დაზიანებული დეკორატიული ბალუსტრადის რესტავრაციას; შენობის, ეზოსა და ისტორიული ღობეების რესტავრაცია -რეაბილიტაციას.

"ამ ეტაპზე მიმდინარეობს ინტერიერში  დეკორატიული ოთახების და დარბაზების რესტავრაცია, შიდა კომუნიკაციების მოწესრიგება, კარ-ფანჯრების სარესტავრაციო სამუშაოები.

პროექტის ფარგლებში დასრულებულია შენობის სახურავის და პარაპეტის სარეაბილიტაციო სამუშაოების დიდი ნაწილი; შენობის ფასადის პირვანდელი სახით აღდგენა; შენობის ბალუსტრადების უდიდესი ნაწილის სარესტავრაციო სამუშაოები; შენობის კარ-ფანჯრების სარესტავრაციო სამუშაოები; ფასადის დეკორატიული განათების, სასახლის შესასვლელის და ტროტუარის მოწყობა.

პროექტის ღირებულებაა 33 მლნ 700 ათასი ლარი." -ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა

გიორგი შარაშიძე – დღეს იქნება თუ ხვალ, „ოცნება“ აგებს ძალიან მწარედ პასუხს იმაზე, რასაც აკეთებს, ეს დრო არც თუ ისე შორსაა

უსახელოური, ალექსანდროული - რაჭა-ლეჩხუმში რთველი დაიწყო

ვიქტორ ყიფიანი - პარტიების აკრძალვით ქვეყანაში მოვლენების რადიკალიზაციამდეც მანძილი მკვეთრად მცირდება.