2021-10-25 18:11:56, 636 ნახვა
საზოგადოება
მეექვსე მიკრორაიონის N27 კორპუსთან ეზოს მოწესრიგება სრულდება
თბილისის მერიის ინფორმაციით, გლდანის რაიონის გამგეობა საგზაო ინფრასტრუქტურის მოწესრიგებას განაგრძობს.
უწყების ცნობით, რაიონის მასშტაბით, არაერთი ეზოს კეთილმოწყობა განხორციელდა. მათ შორის, გლდანის გამგეობის მიერ, დაზიანებული შიდა ეზოს მოწესრიგების სამუშაოები მეექვსე მიკრორაიონის N27 კორპუსთან სრულდება.
პროექტის შედეგად, გზის საფარი, დაახლოებით, 1 600 კვადრატულ მეტრამდე ფართობზე იგება. სამუშაოებისთვის 66 716 ლარი დაიხარჯება.
ამასთან, აღნიშნულ მისამართზე გლდანის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, მიწისქვეშა კომუნიკაციებიც შეიცვალა.
სამუშაოებს გლდანის რაიონის გამგებელი ლევან ნაროუშვილი გაეცნო.
ავტორი: NS (სტატია დაფინანსებულია),
epn.ge (@expressnews.ge)
