„თქვენ მოისმენთ ნატო–ს გზავნილს საქართველოს ტერიტორიულ მთლიანობასა და სუვერენიტეტის მხარდაჭერის შესახებ“, – ამის შესახებ ნატო–ს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ „საზოგადოებრივ მაუწყებელში“ განაცხადა.

მისივე თქმით, ბრიუსელის მინისტერიალზე ყურადღება გამახვილდება, სამხრეთ ოსეთის დე–ფაქტო ხელისუფლებასა და რუსეთს შორის გასაფორმებელ ე.წ. ხელშეკრულებაზე.

„თქვენ მოისმენთ ნატო–ს გზავნილს საქართველოს ტერიტორიულ მთლიანობისა და სუვერენიტეტის მხარდაჭერის შესახებ. განსაკუთრებით  ყურადღებას გავამახვილებთ იმ შეშფოთებაზე, რომელიც გვაქვს ე.წ. პროექტზე, საუბარი მაქვს სამხრეთ ოსეთის დე–ფაქტო მთავრობასა და რუსეთს შორის გასაფორმებელ დოკუმენტზე. ამ თემაზე ძალიან მკაფიო იქნება ჩვენი პოზიცია“, – აღნიშნა აპატურაიმ და საქართველოს ნატო–ს ოპერაციებში შეტანილი წვლილისთვის მადლობა გადაუხადა.

„მადლობა საქართველოს, რომ რჩება ჩვენს მისიაში, ავღანეთში“, – განაცხადა ჯეიმს აპატურაი.

ამასთან აპატურაი საქართველოში პროკურატურასა და შსს რეფორმების გატარების შესახებ გადაწყვეტილებას მიესალმება და განაცხადა, რომ ამ რეფორმებთან დაკავშრებით ბრიუსელში მსჯელობა იქნება.

„ჩვენ ვიმსჯელებთ რეფორმებზე. მივესალმები, რომ საქართველოს პრემიერ–მინისტრმა გააკეთა განცხადება რეფორმების შესახებ, ვგულისხმობ პროკურატურასა და შსს. ვერშბოუმ ვიზიტის შემდეგ მითხრა, რომ საქართველოში ყველა მზადაა, ეს საჭირო და აუცილებელი რეფორმები გატარდეს. ნატო–ს გენერალური მდივნის მოადგილემ მითხრა, რომ ამისთვის მზადყოფნა ყველა დონეზეა. ეს მისასალმებელია. ეს არის სწორი გადაწყვეტილება“, – აღნიშნა აპატურაიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას