იულია ტიმოშენკო - ვიცი, რას ნიშნავს პოლიტპატიმრობა, თანადგომას ვუცხადებ სააკაშვილს და ვთხოვ, შეწყვიტოს შიმშილობა

2021-10-14 19:57:57, 656 ნახვა

პოლიტიკა

მინდა გულწრფელი და ღრმა მხარდაჭერა გამოვხატო მიხეილ სააკაშვილის მიმართ, - ამის შესახებ უკრაინის ყოფილმა პრემიერ-მინისტრმა, იულია ტიმოშენკომ საქართველოს ექს-პრეზიდენტისთვის გაკეთებულ მიმართვაში განაცხადა.

ტიმოშენკომ მოუწოდა სააკაშვილს, შეწყვიტოს შიმშილობა, რადგან, მისი თქმით, სააკაშვილი საქართველოს ჯანმრთელი სჭირდება.

„მინდა გულწრფელი და ღრმა მხარდაჭერა გამოვხატო მიხეილ სააკაშვილის მიმართ. 2005 წელს პრემიერის რანგში, პირველი ვიზიტი, საქართველოში განვახორციელე. ყველა ყურადღებით ვადევნებით თვალს, საქართველოში მიმდინარე პირველ რეფორმებს და გულწრფელად ვგულშემატკივრობდით, ვარდების რევოლუციას და მის წარმატებას, შემდეგ თავად წავედით, მსგავსი რევოლუციური გზით. მე და მიხეილს განსხვავებული პოზიციები გვქონია, ბევრ გზის გვიკამათია, მაგრამ ეს ყვალფერი ადამიანურია. ერთი რამ დანამდვილებით ვიცი, ის გულწრფელად გულშემატკივრობს ძლიერ და დემოკრატიულ უკრაინას. მას უსაზღვროდ უყვარს და იბრძვის ძლიერი, დემოკრატიული და მყარად ფეხზე მდგომი საქართველოსთვის. მე თავად გავიარე პოლიტიკური რეპრესიები და თავად ვიცი, რას ნიშნავს პოლიტიკურ პატიმრობაში ყოფნა, ამას არავის ვუსურვებ. უსამართლოა ადამიანისთვის თავისუფლების წართმევა პოლიტიკური ბრძოლისა და შეხედულებების გამო. მიხეილს აქვს უდაო და უპირობო უფლება, იყოს თავისუფალი თავის სამშობლოში და არა ციხეში, სწორედ თავისუფლებაში მყოფმა დაიცვას თავისი მშობლიური საქართველო. ძვირფასო მიშა, შიმშილობა თითქმის ერთადერთი ფორმაა პროტესტის გამოსახატად, ასევე მშვენივრად ვხვდები შენს მოტივებს, მაგრამ ამავე დროს, მინდა უმორჩილესად გთხოვო, შეწყვიტო შიმშილობა, შენ შენს ქვეყანას ჯანმრთელი სჭირდები. ასევე მინდა ვთხოვო მის მხარდამჭერებს, მიმართონ თხოვნით, შეწყვიტოს შიმშილობა. მიხეილ სააკაშვილი უნდა გათავისუფლდეს, მიშა, შეხვედრამდე, თავისუფლებაზე!“, - განაცხადა იულია ტიმოშენკომ.

ავტორი: თეონა დორეული, ექსპრესნიუსის რეპორტიორი 2018 წლიდან