2021-10-14 11:46:56, 891 ნახვა

---

თბილისისკენ მომავალ „ნაცმოძრაობის“ კოლონებს „ოცნების“ მხარდამჭერები ცოცხებით დახვდნენ და გზა გადაუკეტეს

თბილისში, მიხეილ სააკაშვილის გათავისუფლების მოთხოვნით გასამართ აქციაზე მომავალ „ნაცმოძრაობის“ კოლონებს „ქართული ოცნების“ მხარდამჭერები კონტრაქციით დახვდნენ.

„ნაციონალური მოძრაობის“ წევრი ანი წითლიძე წერს, რომ კონტრაქციის წევრები მათ ცოცხებით დახვდნენ და გზა გადაუკეტეს.

ადგილზე სამართალდამცველები არიან მობილიზებულნი, რომლებმაც გზის გათავისუფლება ნაწილობრივ მოახერხეს და კოლონები თბილისისკენ დაიძრნენ.

შეგახსენებთ, რომ დღეს, 18:00 საათზე თბილისში, თავისუფლების მოედანზე მიხეილ სააკაშვილის გათავისუფლების მოთხოვნით საპროტესტო აქცია გაიმართება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი