აჭარაში იმუნიზაციის პროცესი ყოველდღიურად ფართოვდება. Covid-19-ის ვაქცინაციის კიდევ უფრო ხელმისაწვდომობის მიზნით ახალი სივრცე ქობულეთის მუნიციპალიტეტში, კოლეჯ "ახალი ტალღას" შენობაში გაიხსნა. აქ მოქალაქეებს აცრის ჩატარება წინასწარი რეგისტრაციის გარეშე შეუძლიათ.-ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, ვაქცინაციის ახალი სივრცე აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ, საქართველოს ჯანდაცვის სამინისტროს სამედიცინო ჰოლდინგის ხარისხის მიმართულების ხელმძღვანელთან, გვანცა გასვიანთან, ქობულეთის მუნიციპალიტეტის მერთან, მიარიან ქათამაძესთან და აჭარის საზოგადოებრივი ჯანდაცვის ხელმძღვანელთან, რუსუდან შავიშვილთან ერთად მოინახულა.

"აჭარაში იმუნიზაციის პროცესი შეიძლება ითქვას, აქტიურად მიმდინარეობს. ბათუმის შემდეგ კორონავირუსის საწინააღმდეგო ვაქცინაციის სივრცე, სადაც აცრისთვის წინასწარი რეგისტრაცია არ არის საჭირო ქობულეთში გავხსენით. აქ მოქალაქეებს ვაქცინაცია ფაიზერით და სინივაკით შეუძლიათ. "ახალი ტალღის" შენობაში იმუნიზაციის კაბინეტი მოწყობილია სტანდარტების სრული დაცვით. მოქალაქეებს მომსახურების მიღება 10:00-დან 17:00 საათამდე შეუძლიათ. მე მოვუწოდებ ყველას, ადგილობრივ მოსახლეობას და ქობულეთში მყოფ დამსვენებლებს, ისარგებლონ იმუნიზაციის ახალი სივრცით და დროულად ჩაიატარონ ვაქცინაცია", - აღნიშნა მინისტრმა ნინო ნიჟარაძემ.

"ქობულეთის მუნიციპალიტეტში ვაქცინაცია წინასწარი შავშნის მეშვეობით შესაძლებელია "ქობულეთის სამედიცინო ცენტრსა" და "ქობულეთის ევექსის ჰისპიტალში". პერიოდულად ვაქცინაცია ტარდება ქობულეთის სასოფლო საექიმო ამბულატორიებში.

დღემდე აჭარაში ჩატარებულია კორონავირუსის საწინააღმდეგო 149 341 დოზა ვაქცინა. ორი დოზით აცრილია 49 234 მოქალაქე, რაც მოსახლეობის პროცენტულ მაჩვენებლზე ასე ნაწილდება, ერთი დოზით აცრილია მოსახლეობის 28,4%, ორი დოზით აცრილია 14%."-ნათქვამია განცხადებაში

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს