„ქართული ოცნების" თბილისის საკრებულოს მთაწმინდის რაიონის მაჟორიტარი დეპუტატობის კანდიდატმა ზურაბ აბაშიძემ, საკრებულოს თავმჯდომარის პირველ მოადგილე გიგა ახვლედიანთან ერთად, წინასაარჩევნო შეხვედრა ძმები კაკაბაძეებისა და ივანე კერესელიძის ქუჩების მოსახლეობასთან გამართა.

ზურაბ აბაშიძე უბნის მცხოვრებლების ინდივიდუალურ საჭიროებებსა და ინიციატივებს პირადად გაეცნო და მოინახულა ისტორიული შენობები, სადაც გარკვეული სამუშაოებია ჩასატარებელი.

ზურაბ აბაშიძე: „ძალიან საინტერესო შეხვედრა მქონდა ძმები კაკაბაძეებისა და ივანე კერესელიძის ქუჩების მოსახლეობასთან. მათთან ერთად ვისაუბრე მიმდინარე პროექტებსა და სამომავლო გეგმებზე. ასევე, განვიხილეთ ის ინიციატივები, რომლებიც მიზნად ისახავს ძველი თბილისის განახლებას და იქ არსებული კულტურული მემკვიდრეობის შენარჩუნებასა და მოვლა-პატრონობას.

მთაწმინდაზე გავიზარდე და იმედია არ შევცდები თუ ვიტყვი, რომ  ეს უბანი ნამდვილად არის ჩვენი თბილისის გული თავისი გამორჩეული ისტორიით, წარსულით, აწმყოთი, ასევე, დარწმუნებული ვარ, მომავლითა და რაც უმთავრესია, აქ მცხოვრები ადამიანებით. შესაბამისად, პირადად ვიზრუნებ, რომ ყველა ის პროექტი, რომელსაც მომავალში „ქართული ოცნების" გუნდთან ერთად განვახორციელებთ ორიენტირებული იყოს, როგორც რაიონის განვითარებასა და წინსვლაზე, ასევე, თითოეული ადამიანის კეთილდღეობაზე".

მაჟორიტარობის კანდიდატი, წინასაარჩევნო კამპანიის ფარგლებში, შეხვედრებს ეტაპობრივად მთაწმინდის რაიონის ყველა ქუჩის მოსახლეობასთან გამართავს.

ავტორი: NS (სტატია დაფინანსებულია),

სოციალური ქსელები

თიბისი კაპიტალი აქციებით ვაჭრობის მიმართულებით საქართველოში საუკეთესო საინვესტიციო ბანკად დასახელდა - Euromoney-ს ჯილდო

რამდენს ხარჯავს ხელისუფლება პროპაგანდაში - MDF-ის 2025 წლის ანგარიშში მედიის ფინანსურ გამჭვირვალობაზე

თიბისის მხარდაჭერით, თბილისში იაპონური ავანგარდული ფოტოგრაფიის გამორჩეული ნამუშევრების პირველი გამოფენა მოეწყო

აქტივისტი გიორგი კირვალიძე 7 დღიანი პატიმრობის მერე იზოლატორთან ხელახლა დააკავეს