აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ რეგიონში ეპიდემიოლოგიური ვითარების შესახებ, დღეს ჟურნალისტებთან კომენტარი გააკთა.- ამის შესახებ ინფორმაციას აჭარის ჯანდაცვის სამინისტროს პრესსამსახური ავრცელებს.

 მათი ცნობით, აჭარაში ეპიდვითრება სტაბილურია.

"აჭარაში ეპიდემიოლოგიური ვითარება შეიძლება ითქვას, რომ არის სტაბილური. დღეს 449 შემთხვევა დაფიქსირდა. გასული კვირის ამ დღის მონაცემი გახლდათ 602, რაც 25 %-ით ნაკლებია და გამოხატულია მკვეთრად კლებადი დინამიკა. დღევანდელი დღის დადებითობის მაჩვენებელი 7,5 %-ია, რაც ასევე დამაიმედებლელია, თუმცა საყურადღებო პერიოდი გრძელდება და ისევ გვაქვს სიფრთხილის ზომები მკაცრად გასათვალისწინებელი. გასული 24 საათის განმავლობაში აჭარაში 11 პაციენტი გარდაიცვალა. ჩვენ ვაანონსებდით, რომ ეპიდსიტიაციის დასტაბილურების შემდეგ, სიკვდილიანობის მაღალი მაჩვენებელი ისევ იქნება შენარჩუნებული გარკვეული პერიოდის განმავლობაში, ვინაიდან ჩვენ გვყავს 167 ინტენსიური თერაპიის პაციენტი და მათგან 40 გახლავთ მართვით სუნთქვაზე. აღნიშნული 11 გარდაცვლილი ძირითადად ასაკობრივად გახლდათ რისკჯგუფი, რომელთაც უფრო მეტად უნდათ მოფრთხილებოდნენ ოჯახის წევრები და ახლობლები. პირველრიგში აუცილებელი იყო მათი ვაქცინაცია. რაც შეეხება ორსულებს, როგორც აღინიშნა იმატა და დაფიქსირდა ორსულების გარდაცვალებაც. მეანგინეკოლოგები ყველას ურჩევენ ვაქცინაციას, მაგრამ ნაწილი თავს იკავებს. საზოგადოების ეს ჯგუფი უფრო მეტად უნდა იყოს დაცული, უნდა ატარონ პირბადე, ყველა ტიპის სოციალური ღონისძიებასა თუ თავყრილობაზე უნდა თქვან უარი მათმა გარშემომყოფებმაც. ვაქცინაცია რეკომენდებულია ორსულობისა და ლაქტაციის პერიოდში, თუკი იქნება ამის რჩევა მეანისაგან აუცილებლად უნდა ჩაიტაროს ყველამ“- განაცხადა ნინო ნიჟარაძემ 

ავტორი: NS (სტატია დაფინანსებულია),

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას