მინდა, შევახსენო ოპონენტებს, რომლებიც საკუთარი ტელევიზიებით ჯერ კიდევ ძალადობენ მოსახლეობაზე და მუდმივად სტრესის ქვეშ ამყოფებენ ჩვენს მოსახლეობას და პანიკას თესავენ ყოველდღიურ რეჟიმში, მინდა, მათ შევახსენო, რომ მოძალადეების დრო საქართველოში დასრულდა და ისინი ვერასოდეს დაბრუნდებიან ხელისუფლებაში, ვინაიდან ქართველი ხალხი ბრძენია, იცის კეთილის და ბოროტის, შავის და თეთრის გარჩევა, -  ამის შესახებ საქართველოს პრემიერ-მინისტრმა ირაკლი ღარიბაშვილმა ჩხოროწყუში „ქართული ოცნების" მერობის კანდიდატის, დათო გოგუას წარდგენისას განაცხადა.

მთავრობის მეთაურის თქმით, ბოლო 8 წლის განმავლობაში, არაერთი პროექტი განხორციელდა ყველა ქალაქში, რეგიონსა და მუნიციპალიტეტში, არსებობს რეალური, ხელშესახები პროგრესი, იქნება ეს ეკონომიკის, სოფლის მეურნეობის, რეალური წარმოების განვითარების, ინფრასტრუქტურის, რეგიონების განვითარების, განათლების, ჯანდაცვის თუ სხვა მიმართულებებით.

„მოსახლეობას ამის განცდა აქვს, ვინც ადგილზე უყურებს ამ ყველაფერს, თუმცა ცილისწამების და აგრესიული კამპანიის ის დამაბნეველი ნიაღვარი, რომელიც ყოველდღიურად მოედინება მათ მიერ მართული ტელევიზიებიდან, ძალიან დიდი შემაფერხებელია. ყოველდღიურად სტრესს და ძალადობას ისმენს ჩვენი მოსახლეობა, ჩვენი შვილები. პირდაპირ ძალადობის და სიძულვილის პროპაგანდა მომდინარეობს მათი ტელევიზიებიდან. ამ დროს უსმინეთ მათ რიტორიკას - გაჯერებულია მხოლოდ სიცრუით და ძალადობით. მხოლოდ და მხოლოდ რევანშის მოტივით და მიზნით. მათი მთავარი ამოცანაა სწორედ ამ რევანშისტული, რადიკალური ძალის ხელისუფლებაში დაბრუნება. ჩვენ, ჩვენი გუნდი გთავაზობთ განვითარებას, მშვიდობას და სტაბილურობას, რეალურ საქმეს და კონკრეტულ პროექტებს. ამ დროს ჩვენი ოპონენტებისგან ისმის მხოლოდ და მხოლოდ ცილისწამება, შეურაცხყოფა და ძალადობრივი, რევანშისტული განცხადებები. ჩვენს ბრძენ მოსახლეობას, რა თქმა უნდა, არ გაუჭირდება ახლაც ბრძნული და ღირსეული არჩევანის გაკეთება. ამის მჯერა მე და ყველა ჩვენგანს, ვინც აქ ვართ. მაგრამ, მინდა, შევახსენო ოპონენტებს, რომლებიც საკუთარი ტელევიზიებით ჯერ კიდევ ძალადობენ მოსახლეობაზე და მუდმივად სტრესის ქვეშ ამყოფებენ ჩვენს მოსახლეობას და პანიკას თესავენ ყოველდღიურ რეჟიმში, მინდა, მათ შევახსენო, რომ მოძალადეების დრო საქართველოში დასრულდა და ისინი ვერასოდეს დაბრუნდებიან ხელისუფლებაში, ვინაიდან ქართველი ხალხი ბრძენია, იცის კეთილის და ბოროტის, შავის და თეთრის გარჩევა", - განაცხადა პრემიერ-მინისტრმა.

ავტორი: NS (სტატია დაფინანსებულია),

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს