„სტრატეგია აღმაშენებლის" ლიდერი გიორგი ვაშაძე აცხადებს, რომ საქართველოში კორონავირუსთან მიმართებაში უმძიმესი ვითარებაა და სანამ მოსახლეობის 60% არ იქნება ვაქცინირებული, მანამდე რთული იქნება რეგულაციების მოხსნა.

როგორც მან პარტიის ოფისში გამართულ ბრიფინგზე აღნიშნა,  მინიმუმ ორი კვირის განმავლობაში უნდა გამკაცრდეს რეგულაციები და მოქალაქეებისთვის ტესტირება უნდა გახდეს უფასო. 

„ქვეყანაში არის უმძიმესი ვითარება კოვიდთან დაკავშირებით. სამწუხაროდ, ის, რაც ხდება, ვერ შეფასდება, რომ რამის მართვა ან ორგანიზება მიმდინარეობს. გვაქვს ქაოსი და ასეთ მძიმე ვითარებას სჭირდება სისტემური მართვა, ანტიკრიზისული მართვა, რომელიც რაც შეიძლება სწრაფად გამოგვიყვანს ამ მდგომარებიდან და მოგვცემს შესაძლებლობას, გადავარჩინოთ ადამიანების სიცოცხლე. სამედიცინო პერსონალი უმძიმეს მდგომარეობაშია - წელიწადნახევარია ფაქტობრივად 24/7 რეჟიმში მუშაობს და გმირობაა ის გამძლეობა, რასაც ექიმები უძლებენ. რაც შეეხება გამოსავალს, გამოსავალი არის ერთადერთი - ჩვენ ვფიქრობთ, რომ მინიმუმ ორი კვირის მანძილზე უნდა გამკაცრდეს რეგულაციები, რომ გადაცემის ჯაჭვი შეწყდეს ქვეყანაში. ამასთან, მნიშვნელოვანია, რომ გაფართოვდეს ვაქცინაციის შესაძლებლობა და ხელმისაწვდომობა, ასევე ტესტირების შესაძლებლობა - ყველა მოქალაქისთვის ხელმისაწვდომი უნდა იყოს უფასო ტესტირება, რომ დროულად მოხდეს ინფიცირებულთა გამოვლენა. სანამ ორჯერ ვაქცინირებულთა რაოდენობით დაახლოებით 60%-იან ნიშნულს არ მივაღწევთ, მანამდე ძალიან რთული იქნება რეგულაციების მოხსნა, რადგან ფატალური ვითარება გვაქვს“, – განაცხადა ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო