სასწრაფო სამედიცინო დახმარების ექიმები დანამტს 500 ლარის ოდენობით მიიღებენ. - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ განაცხადა.

აღნიშნული გადაწყვეტილება 17 აგვისტოს საკოორდინაციო საბჭოს მიერ იქნა მიღებული.

„საკოორდინაციო საბჭოს მიერ გუშინ მიღებული გადაწყვეტილებით,  სასწრაფო დახმარების ექიმები, რომლებიც განსაკუთრებით რთულ პირობებში მუშაობენ,  განურჩევლად იმისა, თუ  რომელ რეგიონში არიან ისინი დასაქმებულები, სახელმწიფოს მხრიდან დამატებით 500 ლარს მიიღებენ.“ 

ეკატერინე ტიკარაძის განცხადებით, არაერთი პოლიტიკური პარტიის მხრიდან არის მცდელობა, მოხდეს  სამთავრობო გუნდისა და ექიმების დაპირისპირება.

„მინდა აღვნიშნო შემდეგი ფაქტი, რომ არაერთი პოლიტიკური პარტიის მხრიდან არის მცდელობა იმისა, რომ მოხდეს სამთავრობო გუნდისა და ექიმების დაპირისპირება, შეეხება ეს ანაზღაურებას, თუ მადლობის გადახდას ექიმების მიმართ.  მინდა  ვთხოვო ყველას, რომ დღეს დღეობით არ არის მსგავსი დაპირისპირებების დრო. სახელმწიფოს მხრიდან  ექიმების ყველა ინტერესი არის დაცული. თითქმის 1 წელია, რაც ექიმებს ერიცხებათ დანამატები, აღნიშნული სახლმწიფოს მხრიდან არის დეტალურად გაწერილი და  სამედიცინო პერსონალის ანაზღაურება საკმაოდ მაღალია.“- განცხადა ეკატერინე ტიკარაძემ.

ჯანდაცვის მინისტრმა კიდევ ერთხელ გადაუხადა მადლობა ექიმებს, მძიმე ვითარებაში მათ მიერ გაწეული სამუშაოსთვის და აღნიშნა, რომ სახელმწიფო იდგება მათ გვერდით.

„ჩვენი ექიმების დახმარებით არცერთი პაციენტი არ რჩება დახმარების გარეშე, მე კიდევ ერთხელ მინდა გადავუხადო მადლობა  მთელ სამედიცინო საზოგადოებას, ყველა ჰოსპიტალს,ყველა ექიმს, რომელიც პირველი დღიდან არის ჩართული პროცესში.“- განაცხადა ეკატერინე ტიკარაძემ.

ავტორი: NS (სტატია დაფინანსებულია),

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო