2021-07-05 11:27:52, 554 ნახვა
საზოგადოება
საქართველომ ავსტრიისგან საჩუქრად კორონავირუსის საწინააღმდეგო „ასტრაზენეკას“ 5 000 დოზა ვაქცინა მიიღო
ავსტრიის მიერ საქართველოსთვის საჩუქრად გადაცემული „ასტრაზენეკას“ ვაქცინის 5 000 დოზა თბილისშია. ამის შესახებ ინფორმაციას ავსტრიაში საქართველოს ელჩი ქეთევან ციხელაშვილი ავრცელებს.
„ახლახანს დაეშვა თბილისის აეროპორტში ვენა-თბილისის რეისი, რომლითაც ავსტრიის მიერ საქართველოსათვის საჩუქრად გადაცემული 5000 დოზა ასტრაზენეკას ვაქცინა ჩავიდა!
დიდი მადლობა ავსტრიელ პარტნიორებსა და მეგობრებს, ამ დახმარებისა და სოლიდარობისთვის!
ეს მეგობრობის მნიშვნელოვანი ჟესტია, რასაც ძალიან ვაფასებთ!“, – წერს ქეთევან ციხელაშვილი „ფეისბუქზე“.
ავტორი: ექსპრესნიუსი,
epn.ge (@expressnews.ge)
