დევნილთა, ეკომიგრანტთა და საარსებო წყაროებით უზრუნველყოფის სააგენტომ მიმდინარე წელს სამეგრელოს რეგიონში სოფლად სახლი 300-ზე მეტ დევნილ ოჯახს შეუსყიდა.

სააგენტოს დირექტორის ბესარიონ სიმონიშვილის განცხადებით,  დევნილები ახალ საცხოვრებელს თავადვე არჩევენ და  სახლების უმეტესობას თან ახლავს მიწის ნაკვეთები, რაც მათთვის შემოსავლის დამატებით წყაროს წარმოადგენს.

„ჩვენ შევხვდით დევნილ ოჯახებს, რომლებსაც უკვე საკუთარი სახლი და ეზო აქვთ.  „სოფლად სახლის“ პროექტი წარმატებით მუშაობს და ამის არა ერთი მაგალითი გვაქვს. მნიშვნელოვანია, რომ  წელს, პროექტის ფარგლებში, თითოეული ოჯახისთვის გამოყოფილი თანხაც გავზარდეთ და წლის ბოლომდე,  მთელი ქვეყნის მასშტაბით, დამატებით 1000-ზე მეტ სახლს შევისყიდით“, - განაცხადა ბესარიონ სიმონიშვილმა.

ზუგდიდის მუნიციპალიტეტში იძულებით გადაადგილებული ოჯახებისთვის გადაცემული სახლები სააგენტოს დირექტორმა ბესარიონ სიმონიშვილმა, სამეგრელო-ზემო სვანეთის სახელმწიფო რწმუნებულ გიორგი გუგუჩიასა და ზუგდიდის მუნიციპალიტეტის საკრებულოს თავმჯდომარე მამუკა წოწერიასთან ერთად მოინახულა.

„სოფლად სახლის“  პროექტი 2013 წლიდან ფუნქციონირებს. სახელმწიფომ საცხოვრებელი უკვე შეუსყიდა 5142  დევნილ ოჯახს, მათ შორის 2144-ს სამეგრელოს რეგიონში.

ავტორი: NS (სტატია დაფინანსებულია),

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს