გაეროს განათლების, კულტურისა და მეცნიერების ორგანიზააციის (UNESCO), ასევე, ევროკავშირის წევრი და პარტნიორი ქვეყნების წარმომადგენლებმა გარემოსდაცვითი უნარ-ჩვევების და ინკლუზიური საზოგადოების განვითარების საკითხები ონალაინ კონფერენციაზე განიხილეს.

კონფერენციაზე სიტყვით გამოსვლისას, გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის დირექტორმა, თამარ ალადაშვილმა უწყვეტი გარემოსდაცვითი განათლების დანერგვის მიმართულებით საქართველოში მიმდინარე ღონისძიებებზე ისაუბრა.

„ქვეყნის მასშტაბით, უკვე დანერგილია  სკოლამდელი გარემოსდაცვითი განათლების პროგრამა; დაიწყო გარემოსდაცვითი და აგრარული განათლების  სასკოლო სივრცეში  ინტეგრირების პროცესი. ადრეულ ასაკში გარემოსდაცვითი განათლების სწავლების შედეგი ამ მიმართულებით სწორი ღირებულებების ჩამოყალიბებაა.  დღეს, მსოფლიოში ერთ-ერთი დიდი გამოწვევაა კლიმატის ცვლილება და მასთან სოფლის მეურნეობის ადაპტაცია; სწორედ ამიტომ, გარემოს დაცვისა და სოფლის მეურნეობის სამინისტროს გარემოსდაცვითი ინფორმაციის და განათლების ცენტრის მიერ, აქტიურად მიმდინარეობს კლიმატგონივრული სოფლის მეურნეობის სასწავლო პროგრამის  შემუშავება;  ასევე, აქტიურად ტარდება სასწავლო კურსები, რომელიც ხელს უწყობს მწვანე ბიზნესის განვითარებას და შესაბამისი სპეციალისტების მომზადებას”, - აღნიშნა თამარ ალადაშვილმა.

საერთაშორისო კვირეული ევროპის ტრენინგების ფონდის (ETF) და UNESCO-ს  მიერ EBRD-თან, ILO-თან და UNICEF-თან თანამშრომლობით ტარდება.

ავტორი: NS (სტატია დაფინანსებულია),

სოციალური ქსელები

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის