აჭარის ტურიზმის დეპარტამენტი ბათუმის თემატური ტურების პრაქტიკულ სახელმძღვანელოზე მუშაობას აგრძელებს. შეხვედრაზე, რომელიც დეპარტამენტში გაიმართა, პროექტში ჩართულმა გიდებმა მათ მიერ შემუშავებული ქალაქის ტურების პირველადი ვარიანტები წარმოადგინეს. პროექტის მიხედვით გიდები ბათუმის 12 პრაქტიკულ ტურს ამუშავებენ, რომელშიც ქალაქის ისტორიული, კულტურული, ეთნოგრაფიული, ძირითადი ღირსშესანიშნაობები, აქტივობები, ტრადიციები თუ ადგილები აისახება.

„უმნიშვნელოვანესია, ქალაქ ბათუმს ჰქონდეს მრავალფეროვანი ტურები და მარშრუტები, რომელშიც სწორად იქნება წარმოდგენილი ჩვენი კულტურული მემკვიდრეობა და ქალაქის ღირსშესანიშნაობები. რაც მთავარია, ეს ყველაფერი უნდა იქცეს საინტერესო ტურისტულ პროდუქტად და შეთავაზებად. ვეცდებით მაქსიმალურად ჩავრთოთ ამ პროცესში ყველა პროფესიონალი, ვისგანაც შეგვიძლია მივიღოთ, როგორც რეკომენდაციები, ისე გამოვიყენოთ მათი გამოცდილება. ჩვენ ვეცდებით შევქმნათ ძალიან პრაქტიკული სახელმძღვანელო  გიდებისა და ტურსააგენტოებისთვის, ამავდროულად კი გავამრავალფერონოთ ქალაქის ტურები შიდა და უცხოელი ვიზიტორებისთვის,“ განაცხადა აჭარის ტურიზმის დეპარტამენტის ხელმძღვანელმა თინათინ ზოიძემ.

ბათუმის ტურების პრაქტიკული სახელმძღვანელოს შემუშავების პროცესში 15-მდე პრაქტიკოსი გიდი და დარგის სპეციალისტია ჩართული. სამენოვანი წიგნი ბათუმში არსებული და ახალი,  საინტერესო თემატიკის  ტურებით, თავისი ელექტრონული რუკებით, მარშრუტზე არსებული ტურისტული ღირსშესანიშნაობების ფოტოებითა და ინფორმაციებით წლის ბოლოსთვის გამოიცემა.   ბათუმთან ერთად ქობულეთის ტურების პრაქტიკულ სახელმძღვანელოზეც მიმდინარეობს მუშაობა. მის შემუშავებაში 5-მდე გიდია ჩართული.  სამუშაო შეხვედრა ქობულეთის ტურებთან დაკავშირებით მიმდინარე კვირაში გაიმართება.

ავტორი: NS (სტატია დაფინანსებულია),

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს