ეკონომიკისა და მდგრადი განვითარების მინისტრი ნათია თურნავა თბილისში მდებარე მინისა და პლასტმასის სამშენებლო ნაკეთობების მწარმოებელ საწარმო „ნეოგლასს" ესტუმრა.

საწარმო პროგრამის „აწარმოე საქართველოში" ბენეფიციარია  და ქართულ ბაზარზე 2017 წლიდან ფუნქციონირებს.

კომპანიამ სააგენტოს ,,აწარმოე საქართველოში" სესხის პროცენტის თანადაფინანსების კომპონენტით ისარგებლა, რომლის მეშვეობითაც, საწარმოსთვის სრულიად ახალი, მაღალტექნოლოგიური დანადგარები შეიძინა. ქონების ეროვნული სააგენტოს მხარდაჭერით კი კომპანიას სიმბოლურ ფასად გადაეცა მიწის ნაკვეთი, რომელზეც არსებული საწარმო ააშენა.

„ეს არის კიდევ ერთი საწარმო, რომელიც სახელმწიფო პროგრამა „აწარმოე საქართველოში" დახმარებით გაიხსნა და  იმპორტის ჩანაცვლების მაგალითია. საწარმო მაღალი ხარისხის პროდუქციას აწარმოებს  და თანდათან ანაცვლებს იმპორტულ პროდუქციას ბაზარზე. ამ ეტაპზე კომპანია საწარმოში 50-მდე ადამიანს ასაქმებს, თუმცა უახლოეს პერიოდში გაფართოებას გეგმავს და ჩვენ ამაშიც შევუწყობთ ხელს. კომპანია პროგრამა „აწარმოე საქართველოში" დახმარებით ავჭალაში კიდევ ერთ უფრო მსხვილ საწარმოს ხსნის, რაც იმას ნიშნავს, რომ სხვა მსგავს წარმოებებთან ერთად, ამ სახეობაშიც თანდათან ხდება  ადგილობრივ ბაზარზე ქართული პროდუქციის დამკვირდება და იმპორტის ჩანაცვლება", - განაცხადა ნათია თურნავამ.

კომპანია „ნეო გლასი" თვეში 8000 კვ.მ მინას აწარმოებს და პროდუქციის რეალიზებას სრულად ახორციელებს ადგილობრივ ბაზარზე. საწარმოში მილიონ ლარზე მეტის ინვესტიცია განხორციელდა.

საწარმოს ასევე სტუმრობდნენ ეკონომიკისა და მდგრადი განვითარების მინისტრის მოადგილე ირაკლი ნადარეიშვილი და სააგენტოს „აწარმოე საქართველოში" ხელმძღვანელი მიხეილ ხიდურელი.

ავტორი: NS (სტატია დაფინანსებულია),

სოციალური ქსელები

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა