2021-06-18 11:17:56, 1230 ნახვა
საზოგადოება
ორგანიზაცია „საფარის“ ინფორმაციით, ანტივაქსერმა მამაკაცმა აცრის გამო მეუღლე სცემა
ორგანიზაცია „საფარის“ იურისტის, ბაია პატარაიას ინფორმაციით, ანტივაქსერმა მამაკაცმა აცრის გამო მეუღლე სცემა.
როგორც ბაია პატარაია სოციალურ ქსელში აღნიშნავს, მამაკაცი უკვე დაკავებულია და იურისტი იმედოვნებს, რომ მას გირაოს სანაცვლოდ არ გაათავისუფლებენ.
„თითქოს კი აღარაფერი მიკვირს, მაგრამ დღეს კაცმა ცოლი აცრისთვის ისე სცემა, რომ პირდაპირი მნიშვნელობით კბილები ჩაულეწა. ქალი ისეთი შეშინებული იყო, ძლივს დავარწმუნეთ, რომ პოლიციისთვის ეთქვა. ის ველური ანტივაქსერა კაცი კი ჩააყუდეს, მაგრამ მსხვერპლი ძალიან დაშინებულია. იმედია, გირაოთი არ გამოუშვებენ მოძალადეს, ამ ბოლო დროს ძალიან ცუდად იქცევიან მოსამართლეები და სულ გირაოთი ათავისუფლებენ ოჯახში და ქალზე მოძალადეებს“, - წერს ბაია პატარაია.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
