„საერთაშორისო გამჭვირვალობა - საქართველო“ აშშ-ის საერთაშორიო განვითარების სააგენტოს დემოკრატიული მმართველობის ინიციატივის გრანტის „საპარლამენტო ზედამხედველობის შეფასება საქართველოში“ ფარგლებში, საპარლამენტო კონტროლის განხორციელების შესახებ კვლევას აქვეყნებს.

გამოქვეყნებულ კვლევაში შეფასებულია 2019 წლის 1-ელი იანვრიდან 2020 წლის 1-ელ ოქტომბრამდე პერიოდში განხორციელებული საპარლამენტო კონტროლი და მისი შედეგები.

TI-ის კვლევის შედეგად გამოიკვეთა, რომ პანდემიისა და მისგან გამოწვეული კრიზისის დროს პარლამენტმა უარი თქვა თავისი ფუნქციის შესრულებაე და ადამიანის უფლებების შეზღუდვების უფლებამოსილება მთავრობას მიანდო

ამასთანავე, კვლევაში ვკითხულობთ, რომ საგანგებო მდგოარეობის დროს პარლამენტო კომიტეტებს არ ჩაუტარებიათ სხდომა, რომელიც შეეხებოდა საგანგებო მდგომარეობის პერიოდში მთავრობის საქმიანობის კონტროლს. კომიტეტებს არ გამოუყენებიათ მათთვის მონიჭებული უფლებამოსილება საქმიანობის მიმართულებიდან გამომდინარე, შეემოწმებინათ, საგანგებო მდგოარეობის დროს გამოცემული ნორმატიული აქტების საქართელოს კანონმდებლობასთან შესაბამისობა და შესრულების მდგომარეობა.

ასევე, „საერთაშორისო გამჭვირვალობა - საქართველოს“ მიერ გამოქვეყნებულ კვლევაში წერია, რომ პანდემიის დროს, განრიგით გათვალისწინებლი 11 „მინისტრის საათის“ ნაცვლად, მხოლოდ 4 ჩატარდა და საქართველოს ოკუპირებულ ტერიტორიებიდან დევნილთა, შრომის, ჯანმრთეობისა და სოციალური დაცვის მინისტრი, ეკატერინე ტიკარაზე, ოპოზიციური ფრაქციების მოწვევისას არ მივიდა კომიტეტის სხდომაზე.

„საპარლამენტო კონტროლის მექანიზმები, ხშირ შემთხვევაში, არ გამოიყენება ქვეყნისათვის მნიშვნელოვან საკითხებთან დაკავშირებით. საანგარიშო პერიოდში ქვეყანა არაერთი მნიშვნელოვანი გამოწვევის წინაშე იდგა, მაგ., ბორდერიზაცია, საოკუპაციო ხაზიდან ადამიანების გატაცება და მათთვის თავისუფლების აღკვეთა. აგრეთვე იყო უკანონო ფარული ჩანაწერების გავრცელების შემთხვევები, მათ შორის პოლიტიკურ თანამდებობის პირებზე. არაერთხელ, საჯაროდ, გაჟღერდა ხელისუფლების წარმომადგენლების,  მათ შორის დეპუტატების, ინტერესთა კონფლიქტის და სავარაუდო კორუფციული გარიგების შესახებ ინფორმაციაც. ე.წ. კლანის წევრების მიერ სასამართლო სისტემის მართვა ასევე არაერთხელ გახდა საზოგადოებისა და უცხოელი პარტნიორების მსჯელობის საგანი. თუმცა,  არცერთ ზემოთ აღნიშნულ საკითხზე კომიტეტებს სპეციალური სხდომა არ ჩაუტარებიათ და არ მოუწვევიათ სხდომაზე ანგარიშვალდებული პირები“ -  ვკითხულობთ TI-ის მიერ გავრცელებულ კვლევაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ უკრაინას 500 პატრიოტის ტიპის რაკეტას გადასცემს.

რუსული ტანკერები აშშ-ისკენ მიემართებიან, თუმცა კომპანიები გამოძიების შიშით, უარს ამბობენ საწვავის შეძენაზე, თუნდაც ფასდაკლებით

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება