2021-04-11 16:30:38, 625 ნახვა
საზოგადოება
ხმაური იყო მთავრობის ადმინისტრაციასთან - მცირე და საშუალო ბიზნესის წარმომადგენლებს კარვის დადგმის უფლება არ მისცეს
მცირე და საშუალო ბიზნესის წარმომადგენლები მთავრობის ადმინისტრაციასთან მეორე დღეა აქციას მართავენ.
ისინი დაწესებული შეზღუდვის მოხსნას ითხოვენ, დღეს მათ მთავრობის ადმინისტრაციასთან კარვების დადგმა სცადეს, თუმცა პოლიციამ ამის უფლება არ მისცა.
„ბიჭები ღამე კარავში იქნებიან, თუ კარვის გარეშე, არანაირი მნიშვნელობა არ აქვს, უბრალოდ, აქ რომ 15 ათასი კაცი იყოს, გაიშლებოდა იმდენივე კარავი, რამდენიც არის გაშლილი პარლამენტთან. ჩავიდეთ პარლამენტთან, ვნახოთ იქ რამდენია. იქ 10 ათასი კაცი მივიდა, ეს არის არგუმენტი ქვეყნისთვის, ანუ ერთი ადამიანი, ბიზნესი ზოგადად არაა არგუმენტი? მარტო პოლიტიკაა ამ ქვეყანაში არგუმენტი? გუშინ ვიყავით სამნი, დღეს ვიქნებით ექვსნი“, – განაცხადა აქციის მონაწილე ალექსანდრე პაიკიძემ.
ავტორი: ექსპრესნიუსი,
epn.ge (@expressnews.ge)
