გლდანის რაიონის გამგეობა გამწვანებული სივრცეებისა და სკვერების მოწყობის სამუშაოებს ახორციელებს.

როგორც „ექსპრესნიუსს“ თბილისის მერიიდან აცნობეს, გლდანის მეორე მიკრორაიონის N44-45 კორპუსების მიმდებარე ტერიტორიაზე საზოგადოებრივი სკვერის მოწყობა 2 000 კვადრატულ მეტრამდე ფართობზე დასრულდა.

მათივე ინფორმაციით, სამუშაოების შედეგად, მოეწყო ბავშვთა გასართობი და დასასვენებელი ზონები, მოსასვენებელი პავილიონი, კალათბურთის მოედანი, ღია სივრცის ტენისის მაგიდა. განთავსდა სკვერისთვის საჭირო სხვა ინვენტარი. დამონტაჟდა გარე განათებისა და სარწყავი სისტემები. განხორციელდა გამწვანება - დაირგო ხეები და დაითესა ბალახი.

მერიის ცნობით, სამუშაოები ტენდერში გამარჯვებულმა შპს ,,AWARD’’-მა განახორციელა და აღნიშნული პროექტისთვის გამგეობის ბიუჯეტიდან 267 841 ლარი დაიხარჯა.

დასრულებულ სამუშაოებს გლდანის რაიონის გამგებელი ლევან ნაროუშვილი, საკრებულოს მაჟორიტარ დეპუტატთან გულია გოცირიძესთან ერთად გაეცნო.

ავტორი: NS (სტატია დაფინანსებულია),

სოციალური ქსელები

კრემლმა ჩინეთისთვის გაზის ფასდაკლება 56%-მდე გაზარდა

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ

საფრანგეთის ხელისუფლებამ პოგრომების გამო კომენდანტის საათი დააწესა