შეურაცხმყოფელია, ვიღაც მოგვიწოდებს, რომ კრიმინალი სააკაშვილი რაიმე ფორმით ჩაერთოს მოლაპარაკებებში - ასე გამოეხმაურა პრემიერ-მინისტრი ირაკლი ღარიბაშვილი ევროპარლამენტარი ანდრიუს კუბილიუსის განცხადებას.

როგორც ირაკლი ღარიბაშვილა აღნიშნა, მიხეილ სააკაშვილი დღეს უკრაინაში გაგდების პირასაა და დღეს თუ არა ხვალ, გააგდებენ.

„ეს შეურაცხყმყოფელი განცხადებაა, ბატონი ბიძინა ივანიშვილი პოლიტიკიდან წავიდა, დატოვა პოლიტიკური თანამდებობაც, პარტიის თავმჯდომარის პოსტი და ღიად განაცხადა, რომ აღარ მონაწილეობს და აღარც აპირებს პოლიტიკაი ჩართვას, ეს მარტივი ჭეშმარტიებაა. რაც შეეხება სააკაშვილის შესაძლო ჩართულობას, ეს არის შეურაცხმყოფელი ჩვენი ქვეყნისთვის, ჩვენი სახელმწიფოსთვის რომ ვიღაც, ვინც არ უნდა იყოს, არ მაინტერესებს მოგვიწოდებდეს ჩვენ, რომ ეს კრიმინალი, არა ერთ დანაშაულში მხილებული და ბრალდებულ მისჯილი პიროვნება იქნას ფორმალურად ჩართული, რაიმე ფორმით მოლაპარაკებებში.

მინდა ყველას შევახსენო, სააკაშვილი დღეს უკრაინაში გაგდების პირასაა, ალბათ, დღეს თუ ხვალ გააგდებენ. კორუფციულ სკანდალებში გაეხვა თავისი კორუფციული გუნდის ჩართულობით, ყველა კორუფციული საქმე წამოწიეს და მისი გუნდის წევრების დევნა დაიწყეს. რეალურად, ის უკრაინაში არაფერს აკეთებს და ყველაფერი დადგმული შოუა, რასაც ის აქ აკეთებდა. უარესს აკეთებს იქ. სააკაშვილმა საკუთარი სურვილით უარი განაცხადა საქართველოს მოქალაქეობაზე, კაცი, რომელიც 9 წელი ქვეყნის პრეზიდენტი იყო. რაზე მესაუბრებით საერთოდ. ასე, რომ ეს საუბარი უნდა დავასრულოთ“, - განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო